Astanada áleýmettik jeli arqyly mol tabys ýáde etip, 28 adamdy aldady degen kúdikpen 24 jastaǵy áiel ustaldy, dep habarlaidy ult.kz.
Polisia.kz málimetinshe, kúdikti áleýmettik jelilerde investitsiia salý arqyly qysqa merzimde aqshany eki eseleýge bolatyny týraly habarlandyrý jariialaǵan. Ýádege sengen azamattar oǵan aqsha aýdarǵan.
Alǵashynda áiel salymshylarǵa ýáde etilgen paiyzdyq tólemderdi jasap, senimine kirgen. Alaida iri kólemde qarajat túse bastaǵan kezde tólemderdi toqtatqan.
Alaiaqtyqtan elimizdiń ár óńirinen 28 adam zardap shekken. Olardyń arasynda Aqtóbe oblysynyń turǵyndary da bar.
Kúdikti ustalyp, ýaqytsha ustaý izoliatoryna qamaldy. Qazir keltirilgen shyǵyn kólemi men onyń basqa da osyǵan uqsas qylmystarǵa qatysy bar-joǵy anyqtalyp jatyr.
