قازاقستاننىڭ ۋكرايناداعى ەلشٸلٸگٸ سول ەلدەگٸ قازاقستاندىقتارعا ٷندەۋ جولدادى, دەپ حابارلايدى "ۇلت اقپارات".
«قۇرمەتتٸ قازاقستان رەسپۋبليكاسىنىڭ ازاماتتارى!
ەسكەري قاۋٸپكە بايلانىستى قازاقستان رەسپۋبليكاسىنىڭ ازاماتتارىنا جەرگٸلٸكتٸ اتقارۋشى ورگانداردىڭ نۇسقاۋلارىن قاتاڭ تٷردە ورىنداۋدى, ونىڭ ٸشٸندە جاقىن ماڭداعى پانالاۋ ورنىنا (بومبا باسپاناسى, جەراستى ٶتكەلٸ, جەرتٶلە, جەراستى تۇراعى, جەراستى توننەل جەنە ت.ب.) دەرەۋ جەتۋدٸ ۇسىنامىز.
قاۋٸپتٸ سەتتە سٸز تۇرعىن ٷي-جايدا قالساڭىز, جارىقتاندىرۋدى تولىعىمەن ٶشٸرٸپ, تەرەزەلەرگە جاقىنداماڭىز جەنە ەڭ قاۋٸپسٸز ورىندا بولىڭىز.
اۋىز سۋ مەن ازىق-تٷلٸكتٸ الدىن الا جيناقتاۋعا تىرىسىڭىز» دەلٸنگەن حابارلامادا.
ايتا كەتەيٸك, 24 اقپاندا رەسەي باسشىسى ۆلاديمير پۋتين دونباستا "ەسكەري وپەراتسييا" باستايتىنىن حابارلاپ, ارتىنشا ۋكراينانىڭ تٷرلٸ ايماعىندا جارىلىستار بولعانى بەلگٸلٸ بولدى. ۋكراينا ٸشكٸ ٸستەر مينيسترلٸگٸ 17 وبلىستا جارىلىس پەن ەۋەدەن سوققى جاسالعانىن حابارلادى. ەلدە ەسكەري جاعداي جارييالاندى.
