Parlament Májilisiniń jalpy otyrysynda Qarjy ministri Mádi Tákiev Úkimettiń 2025 jylǵy respýblikalyq biýdjettiń atqarylýy týraly esebin tanystyrdy, dep habarlaidy ult.kz.
Ministrdiń aitýynsha, 2025 jyly Qazaqstan ekonomikasy 6,5%-ǵa ósip, 2024 jylǵy 5 paiyzdyq kórsetkishten joǵary nátije kórsetti. Ekonomikalyq ósimge negizinen kólik, qurylys, taý-ken ónerkásibi jáne saýda salalary úles qosqan.
Sonymen qatar, infliatsiia deńgeii 12,3 paiyz bolyp qalyptasty. Ortasha ailyq jalaqy 442 myń teńgege jetse, jumyssyzdyq deńgeii 4,6 paiyz deńgeiinde saqtaldy.
2025 jyly respýblikalyq biýdjet kiristeri 21,4 trln teńgeni qurap, jospardyń 99 paiyzy oryndaldy. Al menshikti kirister 17,5 paiyzǵa ósip, 15,3 trln teńgege jetken. Jospardyń tolyq oryndalmaýyna munai baǵasynyń tómendeýi, eksport kóleminiń qysqarýy jáne iri kásiporyndardan túsetin salyq túsimderiniń azaiýy áser etken.
Soǵan qaramastan, korporativtik tabys salyǵy boiynsha túsimder 24 paiyzǵa, al qosylǵan qun salyǵy boiynsha túsimder 18 paiyzǵa ósken. Kameraldyq baqylaý nátijesinde biýdjetke 388 mlrd teńge óndirilip alynǵan.
Respýblikalyq biýdjet shyǵystary 25,5 trln teńgeni qurap, 99 paiyz deńgeiinde oryndaldy. Áleýmettik salaǵa 9,3 trln teńge, óńirlerdi qoldaýǵa 7,7 trln teńge baǵyttalǵan.
Ótken jyly ulttyq jobalar aiasynda 198 mektep pen 655 densaýlyq saqtaý nysanynyń qurylysy aiaqtaldy. Sondai-aq 20,1 mln sharshy metr turǵyn úi paidalanýǵa berilip, halyqtyń áleýmettik osal toptary úshin 5 141 baspana satyp alynǵan.
Kólik infraqurylymyn damytý sheńberinde shamamen 13 myń shaqyrym avtojol jóndelip nemese jańǵyrtyldy. Al júk tranzitiniń kólemi 39,1 mln tonnaǵa jetip, bir jyl ishinde 18 paiyzǵa artqan.
Úkimet jańa ekonomikalyq ósim núktelerin qalyptastyrýǵa da basymdyq bergen. Qostanai oblysyndaǵy KIA zaýyty men Almatydaǵy mýltibrendti avtomobil zaýyty iske qosyldy. Astana Hub-ta búginde 2 200-den astam IT-kompaniia tirkelgen, olardyń 500-den astamy – sheteldik kompaniialar.
Energetika salasynda ulttyq infraqurylymdy jańǵyrtý jobasy bastalyp, myńdaǵan shaqyrym elektr, jylý, sý jáne káriz jelilerin jóndeý josparlanǵan.
