پارلامەنت مەجٸلٸسٸنٸڭ جالپى وتىرىسىندا قارجى مينيسترٸ مەدي تەكيەۆ ٷكٸمەتتٸڭ 2025 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەبٸن تانىستىردى, دەپ حابارلايدى ult.kz.
مينيستردٸڭ ايتۋىنشا, 2025 جىلى قازاقستان ەكونوميكاسى 6,5%-عا ٶسٸپ, 2024 جىلعى 5 پايىزدىق كٶرسەتكٸشتەن جوعارى نەتيجە كٶرسەتتٸ. ەكونوميكالىق ٶسٸمگە نەگٸزٸنەن كٶلٸك, قۇرىلىس, تاۋ-كەن ٶنەركەسٸبٸ جەنە ساۋدا سالالارى ٷلەس قوسقان.
سونىمەن قاتار, ينفلياتسييا دەڭگەيٸ 12,3 پايىز بولىپ قالىپتاستى. ورتاشا ايلىق جالاقى 442 مىڭ تەڭگەگە جەتسە, جۇمىسسىزدىق دەڭگەيٸ 4,6 پايىز دەڭگەيٸندە ساقتالدى.
2025 جىلى رەسپۋبليكالىق بيۋدجەت كٸرٸستەرٸ 21,4 ترلن تەڭگەنٸ قۇراپ, جوسپاردىڭ 99 پايىزى ورىندالدى. ال مەنشٸكتٸ كٸرٸستەر 17,5 پايىزعا ٶسٸپ, 15,3 ترلن تەڭگەگە جەتكەن. جوسپاردىڭ تولىق ورىندالماۋىنا مۇناي باعاسىنىڭ تٶمەندەۋٸ, ەكسپورت كٶلەمٸنٸڭ قىسقارۋى جەنە ٸرٸ كەسٸپورىنداردان تٷسەتٸن سالىق تٷسٸمدەرٸنٸڭ ازايۋى ەسەر ەتكەن.
سوعان قاراماستان, كورپوراتيۆتٸك تابىس سالىعى بويىنشا تٷسٸمدەر 24 پايىزعا, ال قوسىلعان قۇن سالىعى بويىنشا تٷسٸمدەر 18 پايىزعا ٶسكەن. كامەرالدىق باقىلاۋ نەتيجەسٸندە بيۋدجەتكە 388 ملرد تەڭگە ٶندٸرٸلٸپ الىنعان.
رەسپۋبليكالىق بيۋدجەت شىعىستارى 25,5 ترلن تەڭگەنٸ قۇراپ, 99 پايىز دەڭگەيٸندە ورىندالدى. ەلەۋمەتتٸك سالاعا 9,3 ترلن تەڭگە, ٶڭٸرلەردٸ قولداۋعا 7,7 ترلن تەڭگە باعىتتالعان.
ٶتكەن جىلى ۇلتتىق جوبالار اياسىندا 198 مەكتەپ پەن 655 دەنساۋلىق ساقتاۋ نىسانىنىڭ قۇرىلىسى اياقتالدى. سونداي-اق 20,1 ملن شارشى مەتر تۇرعىن ٷي پايدالانۋعا بەرٸلٸپ, حالىقتىڭ ەلەۋمەتتٸك وسال توپتارى ٷشٸن 5 141 باسپانا ساتىپ الىنعان.
كٶلٸك ينفراقۇرىلىمىن دامىتۋ شەڭبەرٸندە شامامەن 13 مىڭ شاقىرىم اۆتوجول جٶندەلٸپ نەمەسە جاڭعىرتىلدى. ال جٷك ترانزيتٸنٸڭ كٶلەمٸ 39,1 ملن تونناعا جەتٸپ, بٸر جىل ٸشٸندە 18 پايىزعا ارتقان.
ٷكٸمەت جاڭا ەكونوميكالىق ٶسٸم نٷكتەلەرٸن قالىپتاستىرۋعا دا باسىمدىق بەرگەن. قوستاناي وبلىسىنداعى KIA زاۋىتى مەن الماتىداعى مۋلتيبرەندتٸ اۆتوموبيل زاۋىتى ٸسكە قوسىلدى. Astana Hub-تا بٷگٸندە 2 200-دەن استام IT-كومپانييا تٸركەلگەن, ولاردىڭ 500-دەن استامى – شەتەلدٸك كومپانييالار.
ەنەرگەتيكا سالاسىندا ۇلتتىق ينفراقۇرىلىمدى جاڭعىرتۋ جوباسى باستالىپ, مىڭداعان شاقىرىم ەلەكتر, جىلۋ, سۋ جەنە كەرٸز جەلٸلەرٸن جٶندەۋ جوسپارلانعان.
