Qańtar aiynyń ortasynda koronavirýsty zertteý úshin Qytaidyń Ýhan qalasyna barǵan Dúniejúzilik densaýlyq saqtaý uiymynyń sarapshylary 14 kúndik karantinnen shyqty. Aqparat quraldary 28 qańtarda olardyń qonaq úiden shyǵyp, avtobýsqa mingenin kórgen. Biraq olardyń qaida baǵyt alǵanyn anyqtai almaǵan.
Ǵalymdar byltyr koronavirýs oshaǵy bolǵan Ýhanda virýstyń taraýyn zertteý úshin shamamen bir ai ýaqyt bolady. Bastapqyda olardyń sapary shegerilip, halyqaralyq sarapshylar qajetti aqparatqa qol jetkize almai, indetti birinshi bolyp bastan keshirgen halyqpen tildese almai qalamyz ba dep alańdaǵan.
Pekin álemde 2,1 million adamnyń ómirin qiǵan virýstyń paida bolýyn zerttegisi kelgen halyqaralyq toptyń talpynysyn narazy kúide qabyldaǵan. Halyqaralyq ǵalymdar tobyna qoiǵan talaptary úshin jáne túrli boljamdy alǵa tartyp, aiyptan jaltarýǵa tyrysqany úshin de Qytai synǵa ushyrady. Qytai úkimeti indetti buzylǵan teńiz ónimderin importtaýmen bailanystyrýǵa beiim. Bul boljamdy halyqaralyq sarapshylar joqqa shyǵarǵan.
Ýhanda koronavirýstan qaitys bolǵandardyń týystary buǵan deiin Qytai biligin áleýmettik jelidegi akkaýntardy joiyp, ózderin "jaq ashpaýǵa" májbúrlep, qysym jasady dep aiyptaǵan.
