قاڭتار ايىنىڭ ورتاسىندا كوروناۆيرۋستى زەرتتەۋ ٷشٸن قىتايدىڭ ۋحان قالاسىنا بارعان دٷنيەجٷزٸلٸك دەنساۋلىق ساقتاۋ ۇيىمىنىڭ ساراپشىلارى 14 كٷندٸك كارانتيننەن شىقتى. اقپارات قۇرالدارى 28 قاڭتاردا ولاردىڭ قوناق ٷيدەن شىعىپ, اۆتوبۋسقا مٸنگەنٸن كٶرگەن. بٸراق ولاردىڭ قايدا باعىت العانىن انىقتاي الماعان.
عالىمدار بىلتىر كوروناۆيرۋس وشاعى بولعان ۋحاندا ۆيرۋستىڭ تاراۋىن زەرتتەۋ ٷشٸن شامامەن بٸر اي ۋاقىت بولادى. باستاپقىدا ولاردىڭ ساپارى شەگەرٸلٸپ, حالىقارالىق ساراپشىلار قاجەتتٸ اقپاراتقا قول جەتكٸزە الماي, ٸندەتتٸ بٸرٸنشٸ بولىپ باستان كەشٸرگەن حالىقپەن تٸلدەسە الماي قالامىز با دەپ الاڭداعان.
پەكين ەلەمدە 2,1 ميلليون ادامنىڭ ٶمٸرٸن قيعان ۆيرۋستىڭ پايدا بولۋىن زەرتتەگٸسٸ كەلگەن حالىقارالىق توپتىڭ تالپىنىسىن نارازى كٷيدە قابىلداعان. حالىقارالىق عالىمدار توبىنا قويعان تالاپتارى ٷشٸن جەنە تٷرلٸ بولجامدى العا تارتىپ, ايىپتان جالتارۋعا تىرىسقانى ٷشٸن دە قىتاي سىنعا ۇشىرادى. قىتاي ٷكٸمەتٸ ٸندەتتٸ بۇزىلعان تەڭٸز ٶنٸمدەرٸن يمپورتتاۋمەن بايلانىستىرۋعا بەيٸم. بۇل بولجامدى حالىقارالىق ساراپشىلار جوققا شىعارعان.
ۋحاندا كوروناۆيرۋستان قايتىس بولعانداردىڭ تۋىستارى بۇعان دەيٸن قىتاي بيلٸگٸن ەلەۋمەتتٸك جەلٸدەگٸ اككاۋنتاردى جويىپ, ٶزدەرٸن "جاق اشپاۋعا" مەجبٷرلەپ, قىسىم جاسادى دەپ ايىپتاعان.
