Qazaqstandyq shahmatshy Bibisara Asaýbaeva sporttyq azamattyǵyn aýystyrýynyń sebebin túsindirip, qazaq tilin úirený týraly pikir bildirdi, dep habarlaidy ult.kz.
- Bilesizder me, muny moiyndaǵym kelmese de, ókinishke qarai, bul shyndyq… Búkil mansabym barysynda qazaqtarǵa eń qiyny — óz azamattarynyń jetistigine qýanyp, qoldaý kórsetý boldy.
Maǵan «sen Resei úshin óner kórsettiń» dep jazady. Iá, bala kezimde, 12 men 15 jas aralyǵynda Resei namysyn qorǵadym. Al Qazaqstanǵa bári bastalmai turyp-aq, 2019 jyly oraldym, - dedi ol.
Ol sporttyq azamattyqty aýystyrýynyń sebebin (men árdaiym Qazaqstan azamaty boldym) qarjylandyrýǵa bailanysty emes dep túsindirdi.
- Buǵan meniń týǵan naǵashy aǵam sebep boldy. Ol túrli kedergiler jasap, meniń damýyma tosqaýyl qoidy (ol Prezident ákimshiliginde jumys istegen). Ol qyzmetinen ketkennen keiin ǵana biz elge oralyp, bul týraly ashyq aittyq. Al máseleni sál bolsa da muqiiat zerttegen adamdar ózderin qatygez aqymaqtar siiaqty ustamas edi, – deidi shahmatshy.
Qazaq tili jóninde Bibisara Asaýbaeva arnaǵa jazylǵandardyń bári óhiniń jumys kestesin kóretinin, 1 jeltoqsannan beri úide bar-joǵy 12–15 kúndei ǵana bolǵanyn aitady.
- Soǵan qaramastan, oqý-jattyǵý jiyndary kezinde tildi úirenýmen ainalystym. Biraq mundai jekkórýshilik pen heittiń kesirinen oǵan degen ynta ár joly azaia túsedi. Al eger bizdiń ministrlik shahmattyń mańyzdy emes ekenin aitýdan jáne meniń paraqshama bottardy aidap salýdan basqa eshteńege qaýqarsyz bolsa, onda olardyń quny kók tiyn», — dep jazdy sportshy óziniń Telegram arnasynda.
