قازاقستاندىق شاحماتشى بيبٸسارا اساۋباەۆا سپورتتىق ازاماتتىعىن اۋىستىرۋىنىڭ سەبەبٸن تٷسٸندٸرٸپ, قازاق تٸلٸن ٷيرەنۋ تۋرالى پٸكٸر بٸلدٸردٸ, دەپ حابارلايدى ult.kz.
- بٸلەسٸزدەر مە, مۇنى مويىنداعىم كەلمەسە دە, ٶكٸنٸشكە قاراي, بۇل شىندىق… بٷكٸل مانسابىم بارىسىندا قازاقتارعا ەڭ قيىنى — ٶز ازاماتتارىنىڭ جەتٸستٸگٸنە قۋانىپ, قولداۋ كٶرسەتۋ بولدى.
ماعان «سەن رەسەي ٷشٸن ٶنەر كٶرسەتتٸڭ» دەپ جازادى. يە, بالا كەزٸمدە, 12 مەن 15 جاس ارالىعىندا رەسەي نامىسىن قورعادىم. ال قازاقستانعا بەرٸ باستالماي تۇرىپ-اق, 2019 جىلى ورالدىم, - دەدٸ ول.
ول سپورتتىق ازاماتتىقتى اۋىستىرۋىنىڭ سەبەبٸن (مەن ەردايىم قازاقستان ازاماتى بولدىم) قارجىلاندىرۋعا بايلانىستى ەمەس دەپ تٷسٸندٸردٸ.
- بۇعان مەنٸڭ تۋعان ناعاشى اعام سەبەپ بولدى. ول تٷرلٸ كەدەرگٸلەر جاساپ, مەنٸڭ دامۋىما توسقاۋىل قويدى (ول پرەزيدەنت ەكٸمشٸلٸگٸندە جۇمىس ٸستەگەن). ول قىزمەتٸنەن كەتكەننەن كەيٸن عانا بٸز ەلگە ورالىپ, بۇل تۋرالى اشىق ايتتىق. ال مەسەلەنٸ سەل بولسا دا مۇقييات زەرتتەگەن ادامدار ٶزدەرٸن قاتىگەز اقىماقتار سيياقتى ۇستاماس ەدٸ, – دەيدٸ شاحماتشى.
قازاق تٸلٸ جٶنٸندە بيبٸسارا اساۋباەۆا ارناعا جازىلعانداردىڭ بەرٸ ٶھٸنٸڭ جۇمىس كەستەسٸن كٶرەتٸنٸن, 1 جەلتوقساننان بەرٸ ٷيدە بار-جوعى 12–15 كٷندەي عانا بولعانىن ايتادى.
- سوعان قاراماستان, وقۋ-جاتتىعۋ جيىندارى كەزٸندە تٸلدٸ ٷيرەنۋمەن اينالىستىم. بٸراق مۇنداي جەككٶرۋشٸلٸك پەن حەيتتٸڭ كەسٸرٸنەن وعان دەگەن ىنتا ەر جولى ازايا تٷسەدٸ. ال ەگەر بٸزدٸڭ مينيسترلٸك شاحماتتىڭ ماڭىزدى ەمەس ەكەنٸن ايتۋدان جەنە مەنٸڭ پاراقشاما بوتتاردى ايداپ سالۋدان باسقا ەشتەڭەگە قاۋقارسىز بولسا, وندا ولاردىڭ قۇنى كٶك تيىن», — دەپ جازدى سپورتشى ٶزٸنٸڭ Telegram ارناسىندا.
