اقتٶبەگە تانىمال ەنشٸ, تەرمەشٸ ەرٸ ۇستاز جەنٸبەك بەكبوسىنوۆ كەنەتتەن قايتىس بولدى. ٶنەر يەسٸ ٶڭٸردٸڭ مەدەني ٶمٸرٸنە بەلسەنە ارالاسىپ, ۇلتتىق ەن مەن تەرمەنٸ ناسيحاتتاۋعا ٷلەس قوسقان, دەپ حابارلايدى ult.kz.
جەنٸبەك بەكبوسىنوۆ عازيزا جۇبانوۆا اتىنداعى اقتٶبە وبلىستىق فيلارمونيياسىندا سوليست بولىپ ەڭبەك ەتكەن. تٷرلٸ كونتسەرتتەر مەن رەسپۋبليكالىق مەدەني شارالاردا ٶنەر كٶرسەتٸپ, تىڭدارمان ىقىلاسىنا بٶلەنگەن.
ونىڭ رەپەرتۋارىندا ەسترادالىق شىعارمالارمەن قاتار حالىق ەندەرٸ مەن تەرمەلەر دە بولدى. ەنشٸنٸڭ ورىنداۋىنداعى “ۆسيو رەشايۋت نەبەسا” سەكٸلدٸ تۋىندىلار كٶپشٸلٸككە تانىلعان.
ٶنەرپاز جۇبايى, ەنشٸ لۋنارا بەكبوسىنوۆامەن بٸرگە دە ساحناعا شىققان. ەرلٸ-زايىپتىنىڭ ورىنداۋىنداعى “عاشىق جان” ەنٸ تىڭدارمانداردىڭ كٶڭٸلٸنەن ورىن العان.
مارقۇم ساحناداعى ٶنەرٸن ۇستازدىقپەن ۇشتاستىرىپ, جاس تالانتتاردى تەربيەلەۋگە اتسالىسقان. رەسپۋبليكالىق جەنە حالىقارالىق بايقاۋلاردىڭ لاۋرەاتى اتانىپ, شىعارماشىلىق سايىستاردا قازىلىق ەتكەن.
