Aqtóbege tanymal ánshi, termeshi ári ustaz Jánibek Bekbosynov kenetten qaitys boldy. Óner iesi óńirdiń mádeni ómirine belsene aralasyp, ulttyq án men termeni nasihattaýǵa úles qosqan, dep habarlaidy ult.kz.
Jánibek Bekbosynov Ǵaziza Jubanova atyndaǵy Aqtóbe oblystyq filarmoniiasynda solist bolyp eńbek etken. Túrli kontsertter men respýblikalyq mádeni sharalarda óner kórsetip, tyńdarman yqylasyna bólengen.
Onyń repertýarynda estradalyq shyǵarmalarmen qatar halyq ánderi men termeler de boldy. Ánshiniń oryndaýyndaǵy “Vsio reshaiýt Nebesa” sekildi týyndylar kópshilikke tanylǵan.
Ónerpaz jubaiy, ánshi Lýnara Bekbosynovamen birge de sahnaǵa shyqqan. Erli-zaiyptynyń oryndaýyndaǵy “Ǵashyq jan” áni tyńdarmandardyń kóńilinen oryn alǵan.
Marqum sahnadaǵy ónerin ustazdyqpen ushtastyryp, jas talanttardy tárbieleýge atsalysqan. Respýblikalyq jáne halyqaralyq baiqaýlardyń laýreaty atanyp, shyǵarmashylyq saiystarda qazylyq etken.
