Memleket basshysy Qasym-Jomart Toqaev Sheteldik investorlar keńesiniń 38-shi plenarlyq otyrysyn ótkizip, Qazaqstannyń investitsiialyq ahýaly, ekonomikanyń ósimi jáne tsifrlyq transformatsiia máseleleri týraly málimdedi, dep habarlaidy ult.kz.
Prezidenttiń aitýynsha, syrtqy ekonomikalyq ahýaldyń kúrdeliligine qaramastan, ótken jyly Qazaqstan ekonomikasy 6,5 paiyzǵa ósip, eldiń jalpy ishki ónimi 300 milliard dollardan asty.
«Investitsiia tartý kórsetkishi boiynsha elimiz Ortalyq Aziiadaǵy kóshbasshylyǵyn saqtaýdy kózdeidi. Tikelei sheteldik investitsiianyń jiyntyq kólemi 150 milliard dollardan asyp, aimaqqa quiylǵan barlyq qarjynyń shamamen 70 paiyzyn qurady. Osy ekonomikalyq tabystarǵa negizinen saiasi turaqtylyqtyń arqasynda qol jetkizip otyrmyz», – dedi Qasym-Jomart Toqaev.
Prezident jańa Konstitýtsiianyń kúshine enýi investorlar úshin de mańyzdy oqiǵa ekenin atap ótti.
«Jalpyulttyq tarihi referendýmnyń qorytyndysy boiynsha Qazaqstan Respýblikasynyń jańa Konstitýtsiiasyn qabyldadyq. Bul qujat qazirdiń ózinde halyqtyq Konstitýtsiia retinde tanyldy. Jańartylǵan konstitýtsiialyq normalar investorlar quqyǵyn barynsha joǵary deńgeide qorǵaidy», – dedi Memleket basshysy.
Qasym-Jomart Toqaev Qazaqstanda halyqaralyq bizneske qolaily institýtsionaldyq orta qalyptasqanyn aityp, investitsiialyq rásimderdi jeńildetý úshin «bir tereze» qaǵidatymen jumys isteitin Ulttyq tsifrlyq investitsiialyq platformanyń iske qosylǵanyn eske saldy.
Sonymen qatar investorlarǵa memlekettik qoldaý kórsetý úshin Investitsiialyq shtab jumys istep jatqanyn, al sheteldik kásipkerlerge Altyn visa baǵdarlamasy arqyly salyqtyq jeńildikter men jeńildetilgen kóshi-qon rásimderi usynylatynyn jetkizdi.
Prezident óz sózinde jasandy intellektini damytýdy memlekettik saiasattyń basym baǵyttarynyń biri retinde atady.
«2026 jyl – Jasandy intellekt jáne tsifrlyq damý jyly bolyp jariialandy. Qazaqstandy tolyqqandy tsifrlyq memleketke ainaldyrý baǵytyndaǵy jumysty jalǵastyramyz», – dedi ol.
Memleket basshysy Qazaqstan Ortalyq Aziiada alǵash bolyp eki sýperkompiýterdi iske qosqanyn, sondai-aq Parlament qabyldaǵan Tsifrlyq kodeks, «Jasandy intellekt týraly» zań jáne Digital Qazaqstan strategiiasy eldiń tehnologiialyq damýyna jańa serpin beretinin aitty.
Prezidenttiń málimetinshe, Qazaqstanda derekterdi óńdeý ortalyqtarynyń iri klasterin qurý josparlanyp otyr. Bul jobaǵa Amazon, G42 jáne ózge de jetekshi halyqaralyq tehnologiialyq kompaniialar qyzyǵýshylyq tanytyp otyr.
