مەملەكەت باسشىسى قاسىم-جومارت توقاەۆ شەتەلدٸك ينۆەستورلار كەڭەسٸنٸڭ 38-شٸ پلەنارلىق وتىرىسىن ٶتكٸزٸپ, قازاقستاننىڭ ينۆەستيتسييالىق احۋالى, ەكونوميكانىڭ ٶسٸمٸ جەنە تسيفرلىق ترانسفورماتسييا مەسەلەلەرٸ تۋرالى مەلٸمدەدٸ, دەپ حابارلايدى ult.kz.
پرەزيدەنتتٸڭ ايتۋىنشا, سىرتقى ەكونوميكالىق احۋالدىڭ كٷردەلٸلٸگٸنە قاراماستان, ٶتكەن جىلى قازاقستان ەكونوميكاسى 6,5 پايىزعا ٶسٸپ, ەلدٸڭ جالپى ٸشكٸ ٶنٸمٸ 300 ميلليارد دوللاردان استى.
«ينۆەستيتسييا تارتۋ كٶرسەتكٸشٸ بويىنشا ەلٸمٸز ورتالىق ازيياداعى كٶشباسشىلىعىن ساقتاۋدى كٶزدەيدٸ. تٸكەلەي شەتەلدٸك ينۆەستيتسييانىڭ جيىنتىق كٶلەمٸ 150 ميلليارد دوللاردان اسىپ, ايماققا قۇيىلعان بارلىق قارجىنىڭ شامامەن 70 پايىزىن قۇرادى. وسى ەكونوميكالىق تابىستارعا نەگٸزٸنەن ساياسي تۇراقتىلىقتىڭ ارقاسىندا قول جەتكٸزٸپ وتىرمىز», – دەدٸ قاسىم-جومارت توقاەۆ.
پرەزيدەنت جاڭا كونستيتۋتسييانىڭ كٷشٸنە ەنۋٸ ينۆەستورلار ٷشٸن دە ماڭىزدى وقيعا ەكەنٸن اتاپ ٶتتٸ.
«جالپىۇلتتىق تاريحي رەفەرەندۋمنىڭ قورىتىندىسى بويىنشا قازاقستان رەسپۋبليكاسىنىڭ جاڭا كونستيتۋتسيياسىن قابىلدادىق. بۇل قۇجات قازٸردٸڭ ٶزٸندە حالىقتىق كونستيتۋتسييا رەتٸندە تانىلدى. جاڭارتىلعان كونستيتۋتسييالىق نورمالار ينۆەستورلار قۇقىعىن بارىنشا جوعارى دەڭگەيدە قورعايدى», – دەدٸ مەملەكەت باسشىسى.
قاسىم-جومارت توقاەۆ قازاقستاندا حالىقارالىق بيزنەسكە قولايلى ينستيتۋتسيونالدىق ورتا قالىپتاسقانىن ايتىپ, ينۆەستيتسييالىق رەسٸمدەردٸ جەڭٸلدەتۋ ٷشٸن «بٸر تەرەزە» قاعيداتىمەن جۇمىس ٸستەيتٸن ۇلتتىق تسيفرلىق ينۆەستيتسييالىق پلاتفورمانىڭ ٸسكە قوسىلعانىن ەسكە سالدى.
سونىمەن قاتار ينۆەستورلارعا مەملەكەتتٸك قولداۋ كٶرسەتۋ ٷشٸن ينۆەستيتسييالىق شتاب جۇمىس ٸستەپ جاتقانىن, ال شەتەلدٸك كەسٸپكەرلەرگە Altyn visa باعدارلاماسى ارقىلى سالىقتىق جەڭٸلدٸكتەر مەن جەڭٸلدەتٸلگەن كٶشٸ-قون رەسٸمدەرٸ ۇسىنىلاتىنىن جەتكٸزدٸ.
پرەزيدەنت ٶز سٶزٸندە جاساندى ينتەللەكتٸنٸ دامىتۋدى مەملەكەتتٸك ساياساتتىڭ باسىم باعىتتارىنىڭ بٸرٸ رەتٸندە اتادى.
«2026 جىل – جاساندى ينتەللەكت جەنە تسيفرلىق دامۋ جىلى بولىپ جارييالاندى. قازاقستاندى تولىققاندى تسيفرلىق مەملەكەتكە اينالدىرۋ باعىتىنداعى جۇمىستى جالعاستىرامىز», – دەدٸ ول.
مەملەكەت باسشىسى قازاقستان ورتالىق ازييادا العاش بولىپ ەكٸ سۋپەركومپيۋتەردٸ ٸسكە قوسقانىن, سونداي-اق پارلامەنت قابىلداعان تسيفرلىق كودەكس, «جاساندى ينتەللەكت تۋرالى» زاڭ جەنە Digital Qazaqstan ستراتەگيياسى ەلدٸڭ تەحنولوگييالىق دامۋىنا جاڭا سەرپٸن بەرەتٸنٸن ايتتى.
پرەزيدەنتتٸڭ مەلٸمەتٸنشە, قازاقستاندا دەرەكتەردٸ ٶڭدەۋ ورتالىقتارىنىڭ ٸرٸ كلاستەرٸن قۇرۋ جوسپارلانىپ وتىر. بۇل جوباعا Amazon, G42 جەنە ٶزگە دە جەتەكشٸ حالىقارالىق تەحنولوگييالىق كومپانييالار قىزىعۋشىلىق تانىتىپ وتىر.
