Almaty qalasy Medeý aýdanynda, Talǵar asýynyń mańynda Koreia Respýblikasynyń azamatyn izdeý jumystary jalǵasýda, dep habarlaidy ult.kz.
Izdestirý-qutqarý operatsiiasy taýly jer bederiniń kúrdeliligine, zertteletin aýmaqtyń aýqymdylyǵyna jáne biiktik aiyrmashylyǵynyń edáýir bolýyna bailanysty qiyn jaǵdaida júrgizilýde. Qutqarýshylar taýly jerdiń, sonyń ishinde shatqaldar men taý betkeileriniń jetýi qiyn ýchaskelerin tekserýde.
Izdestirý-qutqarý jumystaryna TJM, PD kúshteri men quraldary, sondai-aq eriktiler qatysýda. Barlyǵy 130-ǵa jýyq adam, 10 birlik tehnika, 8 kinologiialyq esep, 11 ushqyshsyz ushý apparaty jáne TJM aviatsiiasy jumyldyrylǵan.
Izdestirý jumystary úzdiksiz júrgizilýde. Jumyldyrylǵan kúshter men quraldar taýly aýmaqtyń belgilengen ýchaskelerin tekserýdi jalǵastyrýda.
Izdestirý-qutqarý jumystary jalǵasýda jáne TJM baqylaýynda.
