Memleket basshysy Qasym-Jomart Toqaev Qorǵanys ministri Aidos Myrzahmetovti qabyldap, eldiń qorǵanys qabiletin nyǵaitý jáne Qarýly Kúshterdiń jaýyngerlik daiyndyǵyn arttyrý boiynsha birqatar tapsyrma berdi, dep habarlaidy ult.kz.
Kezdesýde áskeri basqarý júiesin jetildirý, kásibi daiarlyq sapasyn arttyrý jáne áskerdegi tártip pen jaýapkershilikti kúsheitý máseleleri qaraldy.
Prezident áskeri qyzmetshilerdiń qaýipsizdigine erekshe nazar aýdardy. Onyń aitýynsha, áskeri qyzmetshilerdiń ómiri men densaýlyǵyn saqtaý barlyq deńgeidegi qolbasshylyqtyń negizgi basymdyǵy bolýy kerek.
Sonymen qatar Memleket basshysy:
- áskeri infraqurylymdy damytýdy;
- qarý-jaraq pen áskeri tehnikany jańǵyrtýdy;
- zamanaýi tehnologiialar men tsifrlyq sheshimderdi engizýdi;
- áskeri qyzmetshilerdiń kásibi daiarlyǵyn kúsheitýdi tapsyrdy.
Budan bólek, áskerdegi tárbie jumysyn kúsheitý máselesi kóterildi. Prezident sarbazdardyń boiynda jaýapkershilik, tártip jáne Otanǵa adaldyq qasietterin qalyptastyrýdyń mańyzyn atap ótti.
Sondai-aq áskeri qyzmetshiler men olardyń otbasylaryn áleýmettik qoldaý máselesine basa mán berildi.
