Qazaqstan Prezidenti Qasym-Jomart Toqaev pen Germaniia Prezidenti Frank-Valter Shtainmaier Qazaqstan-Germaniia biznes forýmyna qatysty. Kezdesýde eki el arasyndaǵy ónerkásip, energetika, aýyl sharýashylyǵy jáne tsifrlandyrý salalaryndaǵy yntymaqtastyqty keńeitý máseleleri talqylandy, dep habarlaidy ult.kz.
Qasym-Jomart Toqaev Qazaqstan Germaniiany senimdi strategiialyq seriktes retinde qarastyratynyn atap ótti. Onyń aitýynsha, eki eldiń ortaq investitsiialyq portfelinde jalpy quny 54 milliard dollardan asatyn 40 joba bar. Onyń 21-i qazirdiń ózinde júzege asqan.
Prezident Qazaqstan-Germaniia arasyndaǵy ónerkásiptik seriktestikti jańa deńgeige shyǵarýdy usyndy. Osy maqsatta Qazaqstan-Germaniia investitsiialyq-ónerkásip bastamasyn iske qosý josparlanyp otyr. Onyń aiasynda kommertsiialyq turǵydan tiimdi jobalardyń biryńǵai tizimi jasaqtalmaq.
– Osy sapar barysynda otandyq mashina jasaý salasynyń ónimderin, sonyń ishinde nemis qural-jabdyǵyn qoldaný arqyly shyǵarylǵan temirjol kóligi dóńgelegin Germaniia naryǵyna jetkizý jónindegi ýaǵdalastyqqa qol jetkizildi, – dedi Prezident.
Toqaevtyń aitýynsha, basty maqsat – jańa óndirister ashý, nemis tehnologiiasy men tájiribesin Qazaqstanǵa tartý jáne álemdik naryqqa básekege qabiletti ónim shyǵarý.
Qazaqstan Germaniiaǵa shikizat jetkizýdi ulǵaitýǵa nietti
Memleket basshysy asa mańyzdy materialdar salasyndaǵy yntymaqtastyqqa da toqtaldy. Qazaqstanda Eýropalyq odaq strategiialyq resýrs retinde tanyǵan 34 shikizat túriniń 21-i bar.
Prezident Germaniiaǵa senimdi shikizat jetkizý joldaryn qalyptastyrý men Qazaqstanda shikizatty tereń óńdeý jobalaryn iske asyrý ózara tiimdi baǵyt bolatynyn aitty.
Aýyl sharýashylyǵy salasyndaǵy taýar ainalymy da ósken. 2025 jyly eki el arasyndaǵy agrarlyq ónimder alys-berisi 23 paiyzǵa, al Qazaqstannan Germaniiaǵa eksport 38 paiyzǵa artqan.
Energetika men jasandy intellektke basymdyq berilmek
Toqaev Qazaqstan men Germaniianyń energetika salasyndaǵy birlesken jobalaryn keńeitýdi usyndy. Atap aitqanda, energetikalyq infraqurylymdy jańǵyrtý jáne keibir qural-jabdyqtardy Qazaqstanda óndirý múmkindigi qarastyrylmaq.
Sonymen qatar Prezident jasandy intellekt pen tsifrlyq transformatsiiany Qazaqstannyń ulttyq basymdyqtarynyń biri retinde atady.
Ol nemis kompaniialaryn derekterdi óńdeý infraqurylymyn damytýǵa jáne taý-ken, energetika men logistika salalaryna arnalǵan jasandy intellekt sheshimderin qazaqstandyq seriktestermen birlesip ázirleýge shaqyrdy.
Qazaqstanda «Derekterdi óńdeý ortalyqtarynyń alqabyn» qurý jobasy da qolǵa alynǵan. Bul baǵyt Qazaqstannyń tsifrlyq infraqurylymyn damytýǵa arnalǵan jobalardyń biri retinde qarastyrylyp otyr.
Qazaqstan-Germaniia óndiristik quzyretter ortalyǵy qurylýy múmkin
Memleket basshysy Germaniianyń dýaldy kásiptik bilim berý tájiribesin atap ótip, Qazaqstan-Germaniia óndiristik quzyretter ortalyǵynyń jelisin qurýdy usyndy.
Prezidenttiń aitýynsha, iri investitsiialyq jobalarmen qatar mamandar daiarlaityn ortalyqtar da qurylýy kerek.
Al Germaniia Prezidenti Frank-Valter Shtainmaier Qazaqstandy Ortalyq Aziiadaǵy Germaniianyń negizgi saýda seriktesteriniń biri dep atap, Germaniia kapitaly, tehnologiiasy men ónerkásiptik tájiribesin Qazaqstannyń tabiǵi resýrstary jáne Eýropa men Aziia arasyndaǵy ornalasý múmkindikterimen ushtastyrýǵa bolatynyn aitty.
Qazaqstan buǵan deiin de sheteldik investitsiia tartý men tehnologiialyq óndiristerdi damytýǵa basymdyq berip kele jatqanyn málimdegen.
