قازاقستان پرەزيدەنتٸ قاسىم-جومارت توقاەۆ پەن گەرمانييا پرەزيدەنتٸ فرانك-ۆالتەر شتاينمايەر قازاقستان-گەرمانييا بيزنەس فورۋمىنا قاتىستى. كەزدەسۋدە ەكٸ ەل اراسىنداعى ٶنەركەسٸپ, ەنەرگەتيكا, اۋىل شارۋاشىلىعى جەنە تسيفرلاندىرۋ سالالارىنداعى ىنتىماقتاستىقتى كەڭەيتۋ مەسەلەلەرٸ تالقىلاندى, دەپ حابارلايدى ult.kz.
قاسىم-جومارت توقاەۆ قازاقستان گەرمانييانى سەنٸمدٸ ستراتەگييالىق سەرٸكتەس رەتٸندە قاراستىراتىنىن اتاپ ٶتتٸ. ونىڭ ايتۋىنشا, ەكٸ ەلدٸڭ ورتاق ينۆەستيتسييالىق پورتفەلٸندە جالپى قۇنى 54 ميلليارد دوللاردان اساتىن 40 جوبا بار. ونىڭ 21-ٸ قازٸردٸڭ ٶزٸندە جٷزەگە اسقان.
پرەزيدەنت قازاقستان-گەرمانييا اراسىنداعى ٶنەركەسٸپتٸك سەرٸكتەستٸكتٸ جاڭا دەڭگەيگە شىعارۋدى ۇسىندى. وسى ماقساتتا قازاقستان-گەرمانييا ينۆەستيتسييالىق-ٶنەركەسٸپ باستاماسىن ٸسكە قوسۋ جوسپارلانىپ وتىر. ونىڭ اياسىندا كوممەرتسييالىق تۇرعىدان تيٸمدٸ جوبالاردىڭ بٸرىڭعاي تٸزٸمٸ جاساقتالماق.
– وسى ساپار بارىسىندا وتاندىق ماشينا جاساۋ سالاسىنىڭ ٶنٸمدەرٸن, سونىڭ ٸشٸندە نەمٸس قۇرال-جابدىعىن قولدانۋ ارقىلى شىعارىلعان تەمٸرجول كٶلٸگٸ دٶڭگەلەگٸن گەرمانييا نارىعىنا جەتكٸزۋ جٶنٸندەگٸ ۋاعدالاستىققا قول جەتكٸزٸلدٸ, – دەدٸ پرەزيدەنت.
توقاەۆتىڭ ايتۋىنشا, باستى ماقسات – جاڭا ٶندٸرٸستەر اشۋ, نەمٸس تەحنولوگيياسى مەن تەجٸريبەسٸن قازاقستانعا تارتۋ جەنە ەلەمدٸك نارىققا بەسەكەگە قابٸلەتتٸ ٶنٸم شىعارۋ.
قازاقستان گەرمانيياعا شيكٸزات جەتكٸزۋدٸ ۇلعايتۋعا نيەتتٸ
مەملەكەت باسشىسى اسا ماڭىزدى ماتەريالدار سالاسىنداعى ىنتىماقتاستىققا دا توقتالدى. قازاقستاندا ەۋروپالىق وداق ستراتەگييالىق رەسۋرس رەتٸندە تانىعان 34 شيكٸزات تٷرٸنٸڭ 21-ٸ بار.
پرەزيدەنت گەرمانيياعا سەنٸمدٸ شيكٸزات جەتكٸزۋ جولدارىن قالىپتاستىرۋ مەن قازاقستاندا شيكٸزاتتى تەرەڭ ٶڭدەۋ جوبالارىن ٸسكە اسىرۋ ٶزارا تيٸمدٸ باعىت بولاتىنىن ايتتى.
اۋىل شارۋاشىلىعى سالاسىنداعى تاۋار اينالىمى دا ٶسكەن. 2025 جىلى ەكٸ ەل اراسىنداعى اگرارلىق ٶنٸمدەر الىس-بەرٸسٸ 23 پايىزعا, ال قازاقستاننان گەرمانيياعا ەكسپورت 38 پايىزعا ارتقان.
ەنەرگەتيكا مەن جاساندى ينتەللەكتكە باسىمدىق بەرٸلمەك
توقاەۆ قازاقستان مەن گەرمانييانىڭ ەنەرگەتيكا سالاسىنداعى بٸرلەسكەن جوبالارىن كەڭەيتۋدٸ ۇسىندى. اتاپ ايتقاندا, ەنەرگەتيكالىق ينفراقۇرىلىمدى جاڭعىرتۋ جەنە كەيبٸر قۇرال-جابدىقتاردى قازاقستاندا ٶندٸرۋ مٷمكٸندٸگٸ قاراستىرىلماق.
سونىمەن قاتار پرەزيدەنت جاساندى ينتەللەكت پەن تسيفرلىق ترانسفورماتسييانى قازاقستاننىڭ ۇلتتىق باسىمدىقتارىنىڭ بٸرٸ رەتٸندە اتادى.
ول نەمٸس كومپانييالارىن دەرەكتەردٸ ٶڭدەۋ ينفراقۇرىلىمىن دامىتۋعا جەنە تاۋ-كەن, ەنەرگەتيكا مەن لوگيستيكا سالالارىنا ارنالعان جاساندى ينتەللەكت شەشٸمدەرٸن قازاقستاندىق سەرٸكتەستەرمەن بٸرلەسٸپ ەزٸرلەۋگە شاقىردى.
قازاقستاندا «دەرەكتەردٸ ٶڭدەۋ ورتالىقتارىنىڭ القابىن» قۇرۋ جوباسى دا قولعا الىنعان. بۇل باعىت قازاقستاننىڭ تسيفرلىق ينفراقۇرىلىمىن دامىتۋعا ارنالعان جوبالاردىڭ بٸرٸ رەتٸندە قاراستىرىلىپ وتىر.
قازاقستان-گەرمانييا ٶندٸرٸستٸك قۇزىرەتتەر ورتالىعى قۇرىلۋى مٷمكٸن
مەملەكەت باسشىسى گەرمانييانىڭ دۋالدى كەسٸپتٸك بٸلٸم بەرۋ تەجٸريبەسٸن اتاپ ٶتٸپ, قازاقستان-گەرمانييا ٶندٸرٸستٸك قۇزىرەتتەر ورتالىعىنىڭ جەلٸسٸن قۇرۋدى ۇسىندى.
پرەزيدەنتتٸڭ ايتۋىنشا, ٸرٸ ينۆەستيتسييالىق جوبالارمەن قاتار ماماندار دايارلايتىن ورتالىقتار دا قۇرىلۋى كەرەك.
ال گەرمانييا پرەزيدەنتٸ فرانك-ۆالتەر شتاينمايەر قازاقستاندى ورتالىق ازيياداعى گەرمانييانىڭ نەگٸزگٸ ساۋدا سەرٸكتەستەرٸنٸڭ بٸرٸ دەپ اتاپ, گەرمانييا كاپيتالى, تەحنولوگيياسى مەن ٶنەركەسٸپتٸك تەجٸريبەسٸن قازاقستاننىڭ تابيعي رەسۋرستارى جەنە ەۋروپا مەن ازييا اراسىنداعى ورنالاسۋ مٷمكٸندٸكتەرٸمەن ۇشتاستىرۋعا بولاتىنىن ايتتى.
قازاقستان بۇعان دەيٸن دە شەتەلدٸك ينۆەستيتسييا تارتۋ مەن تەحنولوگييالىق ٶندٸرٸستەردٸ دامىتۋعا باسىمدىق بەرٸپ كەلە جاتقانىن مەلٸمدەگەن.
