Prezident Qasym-Jomart Toqaev Shanhaida Qytai Halyq Respýblikasynyń Tóraǵasy Si Tszinpinmen kezdesý ótkizip, ekijaqty yntymaqtastyqtyń negizgi baǵyttaryn talqylady, dep habarlaidy ult.kz.
Memleket basshysy Dúniejúzilik jasandy intellekt konferentsiiasyna qatysýǵa shaqyrǵany úshin Si Tszinpinge alǵys aityp, Shanhaida uiymdastyrylǵan forýmnyń simvoldyq mánine toqtaldy. Sondai-aq Qytai kóshbasshysyn Qytai Kommýnistik partiiasynyń qurylǵanyna 105 jyl tolýymen quttyqtady.
Kezdesý barysynda Qasym-Jomart Toqaev Qazaqstan men Qytai arasyndaǵy máńgilik jan-jaqty strategiialyq seriktestik turaqty damyp kele jatqanyn atap ótti. Onyń aitýynsha, sońǵy jyldary eki el arasyndaǵy saiasi dialog edáýir jandanyp, saýda-ekonomikalyq bailanys jańa deńgeige kóterilgen.
Prezidenttiń málimetinshe, Qytai Qazaqstan ekonomikasyna osy ýaqytqa deiin 30 mlrd dollar investitsiia salǵan. Al 2025 jyldyń qorytyndysy boiynsha ekijaqty taýar ainalymy 49 mlrd dollarǵa jetken. Qazir elimizde 8,5 myńnan astam Qytai kompaniiasy jumys isteidi.
Taraptar ónerkásip, energetika, gaz-himiia, mashina jasaý jáne aýyl sharýashylyǵy salalaryndaǵy birlesken jobalardy iske asyryp jatyr.
Memleket basshysy mádeni-gýmanitarlyq yntymaqtastyqtyń da qarqyndy damyp kele jatqanyn aitty. Onyń sózinshe, ótken jyly Qazaqstanǵa 1 millionnan astam Qytai azamaty kelgen. Eki eldiń astanalarynda mádeni ortalyqtar ashylyp, Qazaqstanda Lý Ban sheberhanalary jumysyn jalǵastyrýda.
Kelissóz barysynda halyqaralyq uiymdar aiasyndaǵy ózara is-qimyl máseleleri de talqylandy. Taraptar BUU, Shanhai yntymaqtastyq uiymy, AÓSShK jáne «Ortalyq Aziia – Qytai» formatyndaǵy seriktestikti odan ári nyǵaitýǵa nietti ekenin bildirdi.
Óz kezeginde QHR Tóraǵasy Si Tszinpin Qazaqstan men Qytai arasyndaǵy strategiialyq áriptestik joǵary deńgeige jetkenin atap ótti. Ol Prezident Qasym-Jomart Toqaev júrgizip otyrǵan reformalarǵa joǵary baǵa berip, jańa Konstitýtsiianyń qabyldanýymen quttyqtady jáne aldaǵy Quryltai sailaýyna sáttilik tiledi.
Kezdesý qorytyndysynda Qazaqstan men Qytai úkimetteri arasynda 2027–2030 jyldarǵa arnalǵan saýda-ekonomikalyq yntymaqtastyq baǵdarlamasy men ony iske asyrýdyń jol kartasyna qol qoiyldy.
