Baýyrlas Qyrǵyz elindegi jaǵdaidyń birtindep konstitýtsiialyq jolǵa qaitqany qýantady. Bul týraly Qazaqstan Prezidenti Qasym-Jomart Toqaev Twitter-de jazdy, dep habarlaidy "Ult aqparat".
«Prezident S.Jeenbekov – memlekettiń legitimdi basshysy. Sondyqtan onyń qaqtyǵystardy toqtatyp, eldegi ahýaldy qalypqa keltirýge baǵyttalǵan áreketterin qoldaimyn. Qazaqstan úshin Qyrǵyzstandaǵy turaqtylyq strategiialyq seriktes ári odaqtas retinde mańyzdy.
Baýyrlas Qyrǵyz elindegi jaǵdaidyń birtindep konstitýtsiialyq jolǵa qaitqany qýantady. Biz barlyq saiasi kúshterdi qaqtyǵystardyń alǵashqy sátinen aq sabyrǵa shaqyrdyq», - dedi Memleket basshysy.
Qyrǵyzstanda 4 qazanda ótken parlament sailaýynan keiin saiasi kúshter Bishkektegi "Ala-Too" alańynda narazylyq aktsiiasyn bastaǵan. Narazylar parlament sailaýynyń nátijesin joiýdy talap etken. Parlamentke ótpei qalǵan oppozitsiia jeńiske jetken partiialardy "ákimshilik resýrstardy paidalandy, jurtqa aqsha berip daýysty satyp aldy" dep aiyptaǵan.
6 qazanǵa qaraǵan túni demonstranttar parlament pen prezident apparaty ornalasqan "Aq úidi" basyp aldy.
Sol kúni narazylar túrmede otyrǵan birneshe saiasatkerdi qamaýdan shyǵaryp aldy. Olardyń arasynda burynǵy prezident Almazbek Atambaev, eks-depýtat Sadyr Japarov ta boldy.
10 qazanda Japarov premer-ministr qyzmetine bekitilgen. Keibir depýtattar onyń qyzmetke taǵaiyndalýynyń legitimdigine kúmán keltiredi.
Qyrǵyzstanda saiasi kúshter daǵdarystan shyǵý joldaryn áli talqylap jatyr. 9 qazanǵa qaraǵan túni Sooronbai Jeenbekov "memleket quqyqtyq aiaǵa oralǵan soń prezident qyzmetinen ketýge daiarmyn" dep málimdegen.
Buǵan deiin Qyrǵyzstan syrtqy ister ministrligi "BUU Jeenbekovti Qyrǵyzstannyń legitimdi prezidenti sanaidy" dep málimdegen.
