باۋىرلاس قىرعىز ەلٸندەگٸ جاعدايدىڭ بٸرتٸندەپ كونستيتۋتسييالىق جولعا قايتقانى قۋانتادى. بۇل تۋرالى قازاقستان پرەزيدەنتٸ قاسىم-جومارت توقاەۆ Twitter-دە جازدى, دەپ حابارلايدى "ۇلت اقپارات".
«پرەزيدەنت س.جەەنبەكوۆ – مەملەكەتتٸڭ لەگيتيمدٸ باسشىسى. سوندىقتان ونىڭ قاقتىعىستاردى توقتاتىپ, ەلدەگٸ احۋالدى قالىپقا كەلتٸرۋگە باعىتتالعان ەرەكەتتەرٸن قولدايمىن. قازاقستان ٷشٸن قىرعىزستانداعى تۇراقتىلىق ستراتەگييالىق سەرٸكتەس ەرٸ وداقتاس رەتٸندە ماڭىزدى.
باۋىرلاس قىرعىز ەلٸندەگٸ جاعدايدىڭ بٸرتٸندەپ كونستيتۋتسييالىق جولعا قايتقانى قۋانتادى. بٸز بارلىق ساياسي كٷشتەردٸ قاقتىعىستاردىڭ العاشقى سەتٸنەن اق سابىرعا شاقىردىق», - دەدٸ مەملەكەت باسشىسى.
قىرعىزستاندا 4 قازاندا ٶتكەن پارلامەنت سايلاۋىنان كەيٸن ساياسي كٷشتەر بٸشكەكتەگٸ "الا-توو" الاڭىندا نارازىلىق اكتسيياسىن باستاعان. نارازىلار پارلامەنت سايلاۋىنىڭ نەتيجەسٸن جويۋدى تالاپ ەتكەن. پارلامەنتكە ٶتپەي قالعان وپپوزيتسييا جەڭٸسكە جەتكەن پارتييالاردى "ەكٸمشٸلٸك رەسۋرستاردى پايدالاندى, جۇرتقا اقشا بەرٸپ داۋىستى ساتىپ الدى" دەپ ايىپتاعان.
6 قازانعا قاراعان تٷنٸ دەمونسترانتتار پارلامەنت پەن پرەزيدەنت اپپاراتى ورنالاسقان "اق ٷيدٸ" باسىپ الدى.
سول كٷنٸ نارازىلار تٷرمەدە وتىرعان بٸرنەشە ساياساتكەردٸ قاماۋدان شىعارىپ الدى. ولاردىڭ اراسىندا بۇرىنعى پرەزيدەنت المازبەك اتامباەۆ, ەكس-دەپۋتات سادىر جاپاروۆ تا بولدى.
10 قازاندا جاپاروۆ پرەمەر-مينيستر قىزمەتٸنە بەكٸتٸلگەن. كەيبٸر دەپۋتاتتار ونىڭ قىزمەتكە تاعايىندالۋىنىڭ لەگيتيمدٸگٸنە كٷمەن كەلتٸرەدٸ.
قىرعىزستاندا ساياسي كٷشتەر داعدارىستان شىعۋ جولدارىن ەلٸ تالقىلاپ جاتىر. 9 قازانعا قاراعان تٷنٸ سوورونباي جەەنبەكوۆ "مەملەكەت قۇقىقتىق اياعا ورالعان سوڭ پرەزيدەنت قىزمەتٸنەن كەتۋگە دايارمىن" دەپ مەلٸمدەگەن.
بۇعان دەيٸن قىرعىزستان سىرتقى ٸستەر مينيسترلٸگٸ "بۇۇ جەەنبەكوۆتٸ قىرعىزستاننىڭ لەگيتيمدٸ پرەزيدەنتٸ سانايدى" دەپ مەلٸمدەگەن.
