Áleýmettik jelide aitqan sózimen qyzý talqyǵa túsken 66 jastaǵy zeinetkerge qatysty qylmystyq is sotqa joldandy, dep habarlaidy ult.kz.
Er adamǵa áleýmettik, ulttyq, rýlyq, násildik nemese dini alaýyzdyqty qozdyrdy degen aiyp taǵylyp otyr. Buǵan deiin ol eki aiǵa qamaýǵa alynǵan. Is boiynsha onyń málimdemelerine keshendi dintaný, saiasattaný jáne filologiialyq saraptama júrgizilgen.
Eger sot zeinetkerdi kináli dep tapsa, ol jeti jylǵa deiin bas bostandyǵynan aiyrylýy múmkin.
Bul jaǵdai buǵan deiin jelide taraǵan videodan keiin qoǵamnyń nazaryn aýdarǵan edi. Kadrlarda 66 jastaǵy er adamnyń toida sóz sóilep, ánshilerdi «shaitannyń azanshysy» dep ataǵany, al áielderge qatysty kemsitýshi sózder aitqany kórinedi.
