Búkil jurtshylyqty eseńgiretken jantúrshigerlik oqiǵada qaza tapqan bes balanyń úlkeni Albinanyń haty Facebook áleýmettik jelisinde jariialandy, dep jazady "Ult aqparat".
Aiaz ataǵa jazǵan hatynda Albina ózderiniń pana etip júrgen úilerin de beinelep: "Men jańa jylda ózime jańa planshet alǵym keledi. Men óte tártipti qyz boldym, ata-anamnyń tilin alyp júrdim. Men sizdiń bar ekenińizge senemin...", - dep shaǵyn jazba qaldyrypty.
12 jastaǵy mektep oqýshysynyń hatyn óziniń paraqshasynda jariialaǵan jýrnalist Artýr Maǵzomov bylai deidi:
"Ótken túnde órtten kóz jumǵan 5 balapannyń úlkeni Albinanyń Aiaz ataǵa jazǵan haty. Mektepten aldyq. Tap-tar jerdi pana qylǵan balalardyń otqa oranǵan kereýetteri ǵana qalypty... Bir sýretinde óziniń úiin salypty Albina, órtengen úidiń de siqy osyndai, shatyry joq".
Eske sala keteiik, 4 aqpan kúni túninde elordanyń Saryarqa aýdanyndaǵy Kóktal-1 turǵyn alabynda órt shyqty. Órtti sóndirý barysynda 2006, 2008, 2014, 2016, 2018 jyly dúniege kelgen 5 balanyń denesi tabyldy. Eń kishisi nebári úsh ailyq sábi edi.
Sonymen qatar, búgin Astana ákimi Baqyt Sultanov bes balanyń órtten kóz jumýynyń sebep-saldaryn anyqtaýdy talap etti.
Órt saldarynan zardap shekken bul otbasy baspana kezeginde turmaǵan.
