Pavlodarda 30 qyrkúiekte temirjol vokzalynda poiyz basyp ketken 22 jastaǵy jigit 8 qazanda aýrýhanada qaitys boldy. Ol aýyr jaraqat alyp, birneshe ret ota jasatqan, dep habarlaidy ult.kz.
Pavlodar oblystyq densaýlyq saqtaý basqarmasynyń málimetinshe, 2004 jyly týǵan jigit Ǵalym Sultanov atyndaǵy oblystyq aýrýhanaǵa óte aýyr jaǵdaida jetkizilgen.
Jigit jansaqtaý bóliminde jatyp, birneshe ret otadan ótken, sol aiaǵyna ampýtatsiia jasalǵan. Alaida dárigerlerdiń kúsh salǵanyna qaramastan, ol alǵan jaraqattarynan kóz jumǵan.
Oqiǵa týraly Threads áleýmettik jelisindegi jazbadan keiin kópshilikke belgili boldy. Jeli qoldanýshylarynyń biri temirjol vokzaly aýmaǵynda poiyz adamdy basyp, eki aiaǵyn kesip ketkenin jazyp, bul oqiǵa týraly nege buǵan deiin aqparat az taraǵanyn suraǵan.
Kóliktegi politsiia departamenti oqiǵanyń bolǵanyn rastady. Vedomstvonyń málimetinshe, Pavlodar stantsiiasyndaǵy jelilik politsiia bólimshesi qylmystyq is qozǵaǵan.
Qazir oqiǵanyń barlyq mán-jaiyn anyqtaý úshin tergeý amaldary júrgizilip jatyr. Politsiia Qylmystyq-protsestik kodekstiń 201-babyna silteme jasap, ózge málimetterdi jariialamady.
