Pavlodar oblysynda qaitys bolǵan týystarynyń máiitterin úilerinde saqtap, alty jasar qyzben birge ómir súrgen eki áielge qatysty tergeý aiaqtaldy. Saraptama qorytyndysy boiynsha, olardyń ekeýi de esi durys emes dep tanylǵan, dep habarlaidy ult.kz.
Oqiǵa óńirdegi eldi mekenderdiń birinde bolǵan. Buǵan deiin bir otbasyna tiesili eki úiden 67 jastaǵy áiel men onyń 39 jastaǵy qyzynyń máiitteri tabylǵan edi.
Belgili bolǵandai, marqumdardyń biriniń denesi úi ishinde alty aiǵa jýyq ýaqyt jatqan. Al ekinshi máiit anyqtalǵan baspanada alty jasar qyz ájesi jáne tátesimen birge turǵan.
Atalǵan jaǵdaiǵa bailanysty júrgizilgen tergeý barysynda eki áieldiń psihikalyq jaǵdaiyna saraptama jasalǵan. Nátijesinde ekeýi de esi durys emes dep tanylyp, psihiatriialyq mekemege jiberilgen. Osyǵan bailanysty olar qylmystyq jaýapkershilikke tartylmaidy.
Al qaitys bolǵan áielderdiń birimen birge turǵan alty jasar qyz qazir basqa otbasynyń qamqorlyǵyna berilgen.
