پاۆلودار وبلىسىندا قايتىس بولعان تۋىستارىنىڭ مەيٸتتەرٸن ٷيلەرٸندە ساقتاپ, التى جاسار قىزبەن بٸرگە ٶمٸر سٷرگەن ەكٸ ەيەلگە قاتىستى تەرگەۋ اياقتالدى. ساراپتاما قورىتىندىسى بويىنشا, ولاردىڭ ەكەۋٸ دە ەسٸ دۇرىس ەمەس دەپ تانىلعان, دەپ حابارلايدى ult.kz.
وقيعا ٶڭٸردەگٸ ەلدٸ مەكەندەردٸڭ بٸرٸندە بولعان. بۇعان دەيٸن بٸر وتباسىنا تيەسٸلٸ ەكٸ ٷيدەن 67 جاستاعى ەيەل مەن ونىڭ 39 جاستاعى قىزىنىڭ مەيٸتتەرٸ تابىلعان ەدٸ.
بەلگٸلٸ بولعانداي, مارقۇمداردىڭ بٸرٸنٸڭ دەنەسٸ ٷي ٸشٸندە التى ايعا جۋىق ۋاقىت جاتقان. ال ەكٸنشٸ مەيٸت انىقتالعان باسپانادا التى جاسار قىز ەجەسٸ جەنە تەتەسٸمەن بٸرگە تۇرعان.
اتالعان جاعدايعا بايلانىستى جٷرگٸزٸلگەن تەرگەۋ بارىسىندا ەكٸ ەيەلدٸڭ پسيحيكالىق جاعدايىنا ساراپتاما جاسالعان. نەتيجەسٸندە ەكەۋٸ دە ەسٸ دۇرىس ەمەس دەپ تانىلىپ, پسيحياترييالىق مەكەمەگە جٸبەرٸلگەن. وسىعان بايلانىستى ولار قىلمىستىق جاۋاپكەرشٸلٸككە تارتىلمايدى.
ال قايتىس بولعان ەيەلدەردٸڭ بٸرٸمەن بٸرگە تۇرعان التى جاسار قىز قازٸر باسقا وتباسىنىڭ قامقورلىعىنا بەرٸلگەن.
