بٷكٸل جۇرتشىلىقتى ەسەڭگٸرەتكەن جانتٷرشٸگەرلٸك وقيعادا قازا تاپقان بەس بالانىڭ ٷلكەنٸ البينانىڭ حاتى Facebook ەلەۋمەتتٸك جەلٸسٸندە جارييالاندى, دەپ جازادى "ۇلت اقپارات".
اياز اتاعا جازعان حاتىندا البينا ٶزدەرٸنٸڭ پانا ەتٸپ جٷرگەن ٷيلەرٸن دە بەينەلەپ: "مەن جاڭا جىلدا ٶزٸمە جاڭا پلانشەت العىم كەلەدٸ. مەن ٶتە تەرتٸپتٸ قىز بولدىم, اتا-انامنىڭ تٸلٸن الىپ جٷردٸم. مەن سٸزدٸڭ بار ەكەنٸڭٸزگە سەنەمٸن...", - دەپ شاعىن جازبا قالدىرىپتى.
12 جاستاعى مەكتەپ وقۋشىسىنىڭ حاتىن ٶزٸنٸڭ پاراقشاسىندا جارييالاعان جۋرناليست ارتۋر ماعزوموۆ بىلاي دەيدٸ:
"ٶتكەن تٷندە ٶرتتەن كٶز جۇمعان 5 بالاپاننىڭ ٷلكەنٸ البينانىڭ اياز اتاعا جازعان حاتى. مەكتەپتەن الدىق. تاپ-تار جەردٸ پانا قىلعان بالالاردىڭ وتقا ورانعان كەرەۋەتتەرٸ عانا قالىپتى... بٸر سۋرەتٸندە ٶزٸنٸڭ ٷيٸن سالىپتى البينا, ٶرتەنگەن ٷيدٸڭ دە سيقى وسىنداي, شاتىرى جوق".
ەسكە سالا كەتەيٸك, 4 اقپان كٷنٸ تٷنٸندە ەلوردانىڭ سارىارقا اۋدانىنداعى كٶكتال-1 تۇرعىن الابىندا ٶرت شىقتى. ٶرتتٸ سٶندٸرۋ بارىسىندا 2006, 2008, 2014, 2016, 2018 جىلى دٷنيەگە كەلگەن 5 بالانىڭ دەنەسٸ تابىلدى. ەڭ كٸشٸسٸ نەبەرٸ ٷش ايلىق سەبي ەدٸ.
سونىمەن قاتار, بٷگٸن استانا ەكٸمٸ باقىت سۇلتانوۆ بەس بالانىڭ ٶرتتەن كٶز جۇمۋىنىڭ سەبەپ-سالدارىن انىقتاۋدى تالاپ ەتتٸ.
ٶرت سالدارىنان زارداپ شەككەن بۇل وتباسى باسپانا كەزەگٸندە تۇرماعان.
