Atyraý oblysynda janar-jaǵarmai beketindegi jarylystan keiin sot protsesi jalǵasýda, dep habarlaidy ult.kz.
2025 jyldyń 30 mamyrynda Atyraý oblysy Jylyoi aýdanynda ornalasqan «Niet» janar-jaǵarmai beketinde bolǵan alapat órt pen jarylys eldi eseńgiretken qaiǵyly oqiǵaǵa ainaldy. Oqiǵa saldarynan erli-zaiypty qyzmetkerler — kassir M.Sarbasova men júrgizýshi B.Ibetov qaza tapty. Marqumdardyń artynda tórt bala ata-anasyz qaldy.
Atalǵan jaǵdai qoǵamda úlken rezonans týdyryp, jergilikti turǵyndar men týystar oqiǵaǵa kinálilerdiń anyqtalyp, zań aldynda jaýap berýin talap etken bolatyn. Osydan keiin bastalǵan tergeý jumystary bir jylǵa jýyq ýaqyt júrgizilip, nátijesinde is sotqa joldandy.
Qazirgi ýaqytta qylmystyq is Jylyoi aýdandyq sotynda qaralyp jatyr. Sot protsesi aiaqtalýǵa jaqyn. Marqumdardyń jaqyndary istiń ádil qaralýyn talap etip, kináli tulǵalarǵa qatań jaza qoldanylýy tiis ekenin aitýda.
Qaiǵyly oqiǵadan keiin ata-anasyz qalǵan tórt balanyń taǵdyry qoǵam nazarynda qalyp otyr. Týystary men jaqyndary sottyń ádil sheshim shyǵaratynyna úmit artyp, kinálilerdiń zańǵa sai jaýapkershilikke tartylýyn kútýde.
