اتىراۋ وبلىسىندا جانار-جاعارماي بەكەتٸندەگٸ جارىلىستان كەيٸن سوت پروتسەسٸ جالعاسۋدا, دەپ حابارلايدى ult.kz.
2025 جىلدىڭ 30 مامىرىندا اتىراۋ وبلىسى جىلىوي اۋدانىندا ورنالاسقان «نيەت» جانار-جاعارماي بەكەتٸندە بولعان الاپات ٶرت پەن جارىلىس ەلدٸ ەسەڭگٸرەتكەن قايعىلى وقيعاعا اينالدى. وقيعا سالدارىنان ەرلٸ-زايىپتى قىزمەتكەرلەر — كاسسير م.سارباسوۆا مەن جٷرگٸزۋشٸ ب.يبەتوۆ قازا تاپتى. مارقۇمداردىڭ ارتىندا تٶرت بالا اتا-اناسىز قالدى.
اتالعان جاعداي قوعامدا ٷلكەن رەزونانس تۋدىرىپ, جەرگٸلٸكتٸ تۇرعىندار مەن تۋىستار وقيعاعا كٸنەلٸلەردٸڭ انىقتالىپ, زاڭ الدىندا جاۋاپ بەرۋٸن تالاپ ەتكەن بولاتىن. وسىدان كەيٸن باستالعان تەرگەۋ جۇمىستارى بٸر جىلعا جۋىق ۋاقىت جٷرگٸزٸلٸپ, نەتيجەسٸندە ٸس سوتقا جولداندى.
قازٸرگٸ ۋاقىتتا قىلمىستىق ٸس جىلىوي اۋداندىق سوتىندا قارالىپ جاتىر. سوت پروتسەسٸ اياقتالۋعا جاقىن. مارقۇمداردىڭ جاقىندارى ٸستٸڭ ەدٸل قارالۋىن تالاپ ەتٸپ, كٸنەلٸ تۇلعالارعا قاتاڭ جازا قولدانىلۋى تيٸس ەكەنٸن ايتۋدا.
قايعىلى وقيعادان كەيٸن اتا-اناسىز قالعان تٶرت بالانىڭ تاعدىرى قوعام نازارىندا قالىپ وتىر. تۋىستارى مەن جاقىندارى سوتتىڭ ەدٸل شەشٸم شىعاراتىنىنا ٷمٸت ارتىپ, كٸنەلٸلەردٸڭ زاڭعا ساي جاۋاپكەرشٸلٸككە تارتىلۋىن كٷتۋدە.
