Qazaqstannyń birinshi, álemniń 52-raketkasy Aleksandr Býblik Sankt-Peterbýrg ATR 500 týrniriniń ekinshi ainalymyna shyqty, dep habarlaidy "Ult aqparat".
Osy qalada týyp-ósken A.Býblik alǵashqy ainalymda reitingte 221-orynda turǵan amerikalyq Makkenzi Makdonaldpen kúsh synasty.
Birinshi partiiada amerikalyq sportshy 3:1 esebimen alǵa shyqty. Taǵy bir breik jasaǵan ol basymdylyǵyn tanyta aldy – 6:2.
Ekinshi set áldeqaida tartysty órbip, másele tai-breikte sheshildi. Tai-breikte Býblik sátti oinai bildi – 7:6 (7:2).
Úshinshi, sheshýshi partiiada esep 4:4 bolǵan mezette qazaqstandyq tennisshi kezdesýdegi alǵashqy breigine qol jetkizdi. Sodan keiin matchty eispen túiindedi – 6:4.
Tartysty ótken báseke 2 saǵat 2 minýtqa sozyldy.
A.Býblik oiyn barysynda 25 eis jasasa, qarsylasy altaýmen shekteldi.
Qazaqstandyq tennisshi shirek finalǵa shyǵý úshin álemniń 21-inshi, osy dodanyń 6-raketkasy, kanadalyq Milosh Raonich nemese reitingte 123-satydaǵy amerikalyq Djeffri Djon Volftyń bireýimen talasady.
Taǵy bir qazaqstandyq Mihail Kýkýshkin erteń serbiialyq Miomir Ketsmanovichpen kortqa shyǵady.
