تەننيسشٸ الەكساندر بۋبليك سانكت-پەتەربۋرگ تۋرنيرٸن سەتتٸ باستادى

قازاقستاننىڭ بٸرٸنشٸ, ەلەمنٸڭ 52-راكەتكاسى الەكساندر بۋبليك سانكت-پەتەربۋرگ اتر 500 تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".

وسى قالادا تۋىپ-ٶسكەن ا.بۋبليك العاشقى اينالىمدا رەيتينگتە 221-ورىندا تۇرعان امەريكالىق ماككەنزي ماكدونالدپەن كٷش سىناستى. 

بٸرٸنشٸ پارتييادا امەريكالىق سپورتشى 3:1 ەسەبٸمەن العا شىقتى. تاعى بٸر برەيك جاساعان ول باسىمدىلىعىن تانىتا الدى – 6:2.

ەكٸنشٸ سەت ەلدەقايدا تارتىستى ٶربٸپ, مەسەلە تاي-برەيكتە شەشٸلدٸ. تاي-برەيكتە بۋبليك سەتتٸ ويناي بٸلدٸ – 7:6 (7:2).

ٷشٸنشٸ, شەشۋشٸ پارتييادا ەسەپ 4:4 بولعان مەزەتتە قازاقستاندىق تەننيسشٸ كەزدەسۋدەگٸ العاشقى برەيگٸنە قول جەتكٸزدٸ. سودان كەيٸن ماتچتى ەيسپەن تٷيٸندەدٸ – 6:4.

تارتىستى ٶتكەن بەسەكە 2 ساعات 2 مينۋتقا سوزىلدى.

ا.بۋبليك ويىن بارىسىندا 25 ەيس جاساسا, قارسىلاسى التاۋمەن شەكتەلدٸ.

قازاقستاندىق تەننيسشٸ شيرەك فينالعا شىعۋ ٷشٸن ەلەمنٸڭ 21-ٸنشٸ, وسى دودانىڭ 6-راكەتكاسى, كانادالىق ميلوش راونيچ نەمەسە رەيتينگتە 123-ساتىداعى امەريكالىق دجەففري دجون ۆولفتىڭ بٸرەۋٸمەن تالاسادى.

تاعى بٸر قازاقستاندىق ميحايل كۋكۋشكين ەرتەڭ سەربييالىق ميومير كەتسمانوۆيچپەن كورتقا شىعادى.