Ózbekstan azamaty, «Maha.dxb» búrkenshik atymen tanymal bloger 26 jastaǵy Mahmýd Hikmatov zańsyz internet-kazinolardy jarnamalap, nasihattady degen kúdikke ilindi, dep habarlaidy ult.kz.
Qazaqstan aýmaǵynda internet-kazinolardyń zańsyz jumys isteýine jaǵdai jasaityn turaqty júie qurylǵan.
Sondai-aq el azamattaryn qumar oiyndarǵa kóptep tartý maqsatynda jarnama taratylǵan.
Internet-kazinolardy jarnamalaý úshin uiymdastyrýshylar bloger Hikmatovty tartqan.
Oǵan Qazaqstanda jumys isteitin infliýenserlerdi taýyp, solar arqyly jarnamalyq materialdar jariialatý mindeti júktelgen. Osy maqsatta M. Hikmatov barlyǵy 35-ten astam blogerdi, onyń ishinde bloger Qaisar Qamzany tartqan.
Qaisar Qamza internet-kazinolarǵa aparatyn siltemelerdi jariialaǵan. Ol paidalanýshylardyń siltemelerge ótkeni úshin syiaqy alyp otyrǵan.
