ٶزبەكستان ازاماتى, «ماحا.dxb» بٷركەنشٸك اتىمەن تانىمال بلوگەر 26 جاستاعى ماحمۋد حيكماتوۆ زاڭسىز ينتەرنەت-كازينولاردى جارنامالاپ, ناسيحاتتادى دەگەن كٷدٸككە ٸلٸندٸ, دەپ حابارلايدى ult.kz.
قازاقستان اۋماعىندا ينتەرنەت-كازينولاردىڭ زاڭسىز جۇمىس ٸستەۋٸنە جاعداي جاسايتىن تۇراقتى جٷيە قۇرىلعان.
سونداي-اق ەل ازاماتتارىن قۇمار ويىندارعا كٶپتەپ تارتۋ ماقساتىندا جارناما تاراتىلعان.
ينتەرنەت-كازينولاردى جارنامالاۋ ٷشٸن ۇيىمداستىرۋشىلار بلوگەر حيكماتوۆتى تارتقان.
وعان قازاقستاندا جۇمىس ٸستەيتٸن ينفليۋەنسەرلەردٸ تاۋىپ, سولار ارقىلى جارنامالىق ماتەريالدار جارييالاتۋ مٸندەتٸ جٷكتەلگەن. وسى ماقساتتا م. حيكماتوۆ بارلىعى 35-تەن استام بلوگەردٸ, ونىڭ ٸشٸندە بلوگەر قايسار قامزانى تارتقان.
قايسار قامزا ينتەرنەت-كازينولارعا اپاراتىن سٸلتەمەلەردٸ جارييالاعان. ول پايدالانۋشىلاردىڭ سٸلتەمەلەرگە ٶتكەنٸ ٷشٸن سىياقى الىپ وتىرعان.
