Elimizdegi ushaq, poiyz biletteriniń qymbattshylyǵy áýelden sheshimin tappai kele jatqan ózekti másele. Elde qyzmet kórsetetin aviakompaniialardyń sany sanaýly ǵana, al temirjol tasymaly boiynsha tek “Qazaqstan Temirjoly” kompaniiasy qyzmet atqaratynyn eskersek, bul salada básekelestik tipti joq. Dese de munai óz jerimizden shyǵyp jatqanda jalpy baǵany retteýge bolar edi.
Jazdyń sońǵy aiy jaqyndap qaldy. Ásirese tamyz aiynda eldegi ushaq biletterimen poezd biletteriniń baǵalarynyń sharyqtap ketetini úlken stýdentter men ata-analarǵa aýyr. Ásirese Astana, Almaty- Aqtaý, Túrkistan- Oral siiaqty shalǵai baǵyttarda biletterdiń baǵasy 100 myńnan asyp, 150 myńǵa deiin jetip qalady. Al poezǵa bul aida bilet tabý keide áste múmkin emes.
Keide Qazaqstan ishindegi eki qala arasyna ushý eki eldiń arasyndaǵy baǵamen teńesip qalady.
Baǵanyń qymbatshylyǵyn shilde, tamyzdaǵy biletterge suranystyń joǵarylyǵymen túsindiredi. Ásirese tamyz aiynda demalys maýsymynyń sharyqtaý kezeńi iaǵni mektep oqýshylary, stýdentter óz oqý oryndaryna qaitady. Sondyqtan Qazaqstannyń kez kelgen qalasynan Astana, Almaty baǵytyna jetkizetin biletter tapshy, ári qymbat bolady. Al biletter qarqyndy satylyp, oryndar azaiǵan kezde ol dinamikalyq baǵa júiesi boiynsha taǵy ósedi.
Abzalynda
Eger jazdyń eń qymbat maýsymyna bilet alar bolsańyz ushaq biletterin kemi 1-2 ai buryn alýǵa keńes beremin. Al poiyz biletteri ádette 45 kún buryn Astana ýaqytymen tańǵy 7.00 de satylymǵa shyǵady. Eń jaily oryndardy osy ýaqytta ustap úlgeresiz. Al endi sapardy aldyn ala josparlaý múmkindigi joq, aiaqasty jolǵa shyǵý qajet jaǵdaida arzan baǵamen bilet alý múmkindigi ekitalai. Degenmen kúnine bilet baǵasyn birneshe ret tekserip, kórshi qalalar arqyly ushý múmkindigin de qarastyrý qoljetimdi baǵaǵa jol ashady. Al jalpy eldegi jol tasymal biletteriniń baǵasyn retteý úkimettiń mindeti bolyp qalatyny sózsiz.
