ەلٸمٸزدەگٸ ۇشاق, پويىز بيلەتتەرٸنٸڭ قىمباتتشىلىعى ەۋەلدەن شەشٸمٸن تاپپاي كەلە جاتقان ٶزەكتٸ مەسەلە. ەلدە قىزمەت كٶرسەتەتٸن اۆياكومپانييالاردىڭ سانى ساناۋلى عانا, ال تەمٸرجول تاسىمالى بويىنشا تەك “قازاقستان تەمٸرجولى” كومپانيياسى قىزمەت اتقاراتىنىن ەسكەرسەك, بۇل سالادا بەسەكەلەستٸك تٸپتٸ جوق. دەسە دە مۇناي ٶز جەرٸمٸزدەن شىعىپ جاتقاندا جالپى باعانى رەتتەۋگە بولار ەدٸ.
جازدىڭ سوڭعى ايى جاقىنداپ قالدى. ەسٸرەسە تامىز ايىندا ەلدەگٸ ۇشاق بيلەتتەرٸمەن پوەزد بيلەتتەرٸنٸڭ باعالارىنىڭ شارىقتاپ كەتەتٸنٸ ٷلكەن ستۋدەنتتەر مەن اتا-انالارعا اۋىر. ەسٸرەسە استانا, الماتى- اقتاۋ, تٷركٸستان- ورال سيياقتى شالعاي باعىتتاردا بيلەتتەردٸڭ باعاسى 100 مىڭنان اسىپ, 150 مىڭعا دەيٸن جەتٸپ قالادى. ال پوەزعا بۇل ايدا بيلەت تابۋ كەيدە ەستە مٷمكٸن ەمەس.
كەيدە قازاقستان ٸشٸندەگٸ ەكٸ قالا اراسىنا ۇشۋ ەكٸ ەلدٸڭ اراسىنداعى باعامەن تەڭەسٸپ قالادى.
باعانىڭ قىمباتشىلىعىن شٸلدە, تامىزداعى بيلەتتەرگە سۇرانىستىڭ جوعارىلىعىمەن تٷسٸندٸرەدٸ. ەسٸرەسە تامىز ايىندا دەمالىس ماۋسىمىنىڭ شارىقتاۋ كەزەڭٸ ياعني مەكتەپ وقۋشىلارى, ستۋدەنتتەر ٶز وقۋ ورىندارىنا قايتادى. سوندىقتان قازاقستاننىڭ كەز كەلگەن قالاسىنان استانا, الماتى باعىتىنا جەتكٸزەتٸن بيلەتتەر تاپشى, ەرٸ قىمبات بولادى. ال بيلەتتەر قارقىندى ساتىلىپ, ورىندار ازايعان كەزدە ول ديناميكالىق باعا جٷيەسٸ بويىنشا تاعى ٶسەدٸ.
ابزالىندا
ەگەر جازدىڭ ەڭ قىمبات ماۋسىمىنا بيلەت الار بولساڭىز ۇشاق بيلەتتەرٸن كەمٸ 1-2 اي بۇرىن الۋعا كەڭەس بەرەمٸن. ال پويىز بيلەتتەرٸ ەدەتتە 45 كٷن بۇرىن استانا ۋاقىتىمەن تاڭعى 7.00 دە ساتىلىمعا شىعادى. ەڭ جايلى ورىنداردى وسى ۋاقىتتا ۇستاپ ٷلگەرەسٸز. ال ەندٸ ساپاردى الدىن الا جوسپارلاۋ مٷمكٸندٸگٸ جوق, اياقاستى جولعا شىعۋ قاجەت جاعدايدا ارزان باعامەن بيلەت الۋ مٷمكٸندٸگٸ ەكٸتالاي. دەگەنمەن كٷنٸنە بيلەت باعاسىن بٸرنەشە رەت تەكسەرٸپ, كٶرشٸ قالالار ارقىلى ۇشۋ مٷمكٸندٸگٸن دە قاراستىرۋ قولجەتٸمدٸ باعاعا جول اشادى. ال جالپى ەلدەگٸ جول تاسىمال بيلەتتەرٸنٸڭ باعاسىن رەتتەۋ ٷكٸمەتتٸڭ مٸندەتٸ بولىپ قالاتىنى سٶزسٸز.
