Foto: Dinara Bolattyń jeke muraǵatynan
Ult.kz-te jihankez jýrnalist Dinara Bolattyń ózge paiymy.
Saiabaqta, tabiǵat ortasynda serýendeý óz aldyna terapiia sanalatynyn biletin shyǵarsyzdar. Shinrin-yoku uǵymy, iaǵni “ormanda shomylý” degen maǵynany bildiretin bul uǵym alǵash 1980 jyldary Japoniiada resmi túrde bastaý alyp, keiin álemge forest therapy ataýymen keń taralyp ketti. Germaniia, Shveitsariia, Avstriia, Ońtústik Koreia men Qytai elderinde orman terapiiasy resmi meditsinalyq saýyǵý quralyna engizildi. Bul terapiianyń maqsaty aǵashtar arasymen baiaý serýendeý, balǵyn iisterdi sezip, jándikter men qustardyń daýysyn tyńdap, boiaýlarǵa súisinip, tabiǵatty baqylaý arqyly serýendeýshiniń boiyndaǵy sharshaýdy, mazasyzdyqty azaitý.
Qala turǵyndarynda ásirese jazǵy saiabaqta serýendeý basym. Kún uzarady. Kúnniń jaryǵy kóbeiip, kóbirek syrtta júrýge múmkindik jasaidy. Otbasymen, dostarymen birge piknik jasaý, ashyq aýadaǵy kezdesý, piknikter sebep bolyp, saiabaq, ormandaǵy jasyl tús serýendeýshilerdiń kóńil kúiin kóteredi. Jazǵy kún sáýlesi D dárýmeni immýnitetti kóterip, qýat syilaýymen erekshe.
Sol sekildi kúzgi saiabaqta serýendeýdiń ózindik ereksheligi, paidasy bar. Kún ystyq ta emes, áli qatty sýyq ta emes. Yńǵaily, jyly kiinip shyqqan adamǵa kúzgi jumsaq kún sáýlesi, salqyn, ári saf taza aýa midy tynyshtaldyryp, shabyt syilai túsedi. Túrli túske boialǵan japyraqtar, jerge qulaǵan japyraqtar sybdyry kúizelisti azaitady. Jumsaq, dymqyl jerdiń iisi óz aldyna aromaterapiiadai ǵajap áser syilaidy.
Sonymen birge kúzgi baqta serýendeýshi kóktem, jazdyń ótkenin, jyldyń sońy jaqyndap kele jatqanyn sanalap, ózine esep berip, jyldy ádemi aiaqtaý úshin baǵytyn , mindetterin retteýge múmkindik alady.
Paiym
Damyǵan elder qala turǵyndarynyń tabiǵat aiasynda serýendep, asyqpai júrý, ainalasyndaǵy ózgeristerdi baqylaý topyraqtyń iisin seziný, aǵash dińin ustap kórip, aǵashty qushaqtaý sekildi barlyq sezim múshelerin qosý olarǵa mentaldyq saýlyǵyn jaqsartyp, immýntitetin kúsheitýde negizgi sebep dep biledi. Elimizdiń tabiǵaty zor. Qala, aýyl ainalasy ný orman, ózen, ishi tolǵan ádemi saiabaq. Jumys kúnderi sál kidirip, aldyn ala ýaqyt josparlap saiabaqtarda serýendeýge, demalys kúnderi qala syrtyna shyǵyp shaǵyn saiahattar uiymdastyrýǵa ábden yńǵaily. Tek paidasyn túsinip, turaqty jaqsy ádetimizge ainaldyrý kerek.
.jpg)
