Foto: Pinterest
Ult.kz-te jihankez jýrnalist Dinara Bolattyń ózge paiymy
Áleýmettik jelide adamdar otbasy kórinisine meilinshe ilanady. Súisinedi. Ásirese kúieýiniń áieline ádemi qatynasy kontenti kóp qaralymǵa ie. Munyń syry nede? Adamdar minsiz otbasy bolatynyna ózderin sendirgisi kele me?
Kóp ǵasyrlar boiy otbasy turaqtylyqtyń, qaýipsizdiktiń beinesi retinde qalyptasty. Sondyqtan "juby bar" nemese "otbasyly" degen oi kelgen sátte kóp adam olardy avtomatty túrde "durys ómir súrip jatqandar" dep qabyldaidy. Sebebi qoǵamdyq túsinik, kino, kitaptaǵy shyǵarmalardyń ár adamnyń sanasyna "otbasy — bul tutastyq" dep tańyp bergeni bar.
Árkim jalǵyz bolmaýǵa umtylady. Biraq adamzat tabiǵaty sol óz ómirin ózgelerdikimen salystyrýǵa beiim. Sonyń ishinde otbasyly jandar bireýdiń áielin, ózgeniń kúieiin, bir-birine degen qatynasyn ózindegimen salystyrady. Sebebi adam ózine jetispeitin jylýlyqty, qamqorlyqty basqa bireýdiń ómirinen kórýge tyrysady. Sondaida syrttai ádemi kórinetin qarym-qatynastar basqalarǵa minsiz bolyp kórinedi. Biraq bul syrt kóz ǵana kórip, baǵa beretin sát. Shyndyǵynda ol otbasynda, ol minsiz kúieýdiń bolmysynda bári basqasha bolýy múmkin.
Paiym
Tabiǵatta minsiz jaratylys, minsiz adam bolmaidy. Olai bolsa minsiz otbasy da joq. Bizdiń bireýden estip, ainaladan kóretinimiz jaǵdaidyń bir beti ǵana. Tipti shynymen jarasymdy, ádemi otbasylyq qatynas kórsek te munyń artynda kóp jyldyq ekeýara kelissóz, eńbek, tarih turǵanyn túsiný kerek. Ár qatynas kún saiyn eki taraptyń da durys tańdaýyna quralatyn úlken jol. Sol sebepti minsizdikke emes shynaiy ózara qoldaýǵa, túsinistikke umtylǵan niet kerek.
Dinara Bolat
.jpg)
