Shymkentte «Kapital» ataýymen jumys istegen, investitsiialyq joba retinde jasyrynǵan qarjy piramidasy áshkerelendi, dep habarlaidy ult.kz.
Qarjylyq monitoring agenttiginiń málimetinshe, kúdikti qurylym áleýmettik jeliler arqyly azamattardy tartyp, qysqa merzimde joǵary tabys ýáde etken.
Alaiaqtar turǵyndardan 20 myńnan 500 myń teńgege deiin qarajat qabyldap, 3–5 kún ishinde salym somasynyń 30–50 paiyzyn qaitarýǵa ýáde bergen. Alaida barlyq ýádeler aýyzsha aitylyp, resmi kelisimshart jasalmaǵan.
Tergeý barysynda belgili bolǵandai, jańa qatysýshylardan túsken qarajat burynǵy salymshylarǵa «tabys» retinde tólenip otyrǵan. Bul klassikalyq qarjy piramidasynyń shemasy ekeni anyqtaldy.
Qazirgi tańda atalǵan shemaǵa 900-den astam azamat tartylyp, jalpy zalal kólemi 700 million teńgeden asqan. Tergeý amaldary jalǵasyp jatyr.
