شىمكەنتتە «كاپيتال» اتاۋىمەن جۇمىس ٸستەگەن, ينۆەستيتسييالىق جوبا رەتٸندە جاسىرىنعان قارجى پيراميداسى ەشكەرەلەندٸ, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, كٷدٸكتٸ قۇرىلىم ەلەۋمەتتٸك جەلٸلەر ارقىلى ازاماتتاردى تارتىپ, قىسقا مەرزٸمدە جوعارى تابىس ۋەدە ەتكەن.
الاياقتار تۇرعىنداردان 20 مىڭنان 500 مىڭ تەڭگەگە دەيٸن قاراجات قابىلداپ, 3–5 كٷن ٸشٸندە سالىم سوماسىنىڭ 30–50 پايىزىن قايتارۋعا ۋەدە بەرگەن. الايدا بارلىق ۋەدەلەر اۋىزشا ايتىلىپ, رەسمي كەلٸسٸمشارت جاسالماعان.
تەرگەۋ بارىسىندا بەلگٸلٸ بولعانداي, جاڭا قاتىسۋشىلاردان تٷسكەن قاراجات بۇرىنعى سالىمشىلارعا «تابىس» رەتٸندە تٶلەنٸپ وتىرعان. بۇل كلاسسيكالىق قارجى پيراميداسىنىڭ سحەماسى ەكەنٸ انىقتالدى.
قازٸرگٸ تاڭدا اتالعان سحەماعا 900-دەن استام ازامات تارتىلىپ, جالپى زالال كٶلەمٸ 700 ميلليون تەڭگەدەن اسقان. تەرگەۋ امالدارى جالعاسىپ جاتىر.
