Mańǵystaý oblysynda munai kompaniiasy iri kólemdegi ekologiialyq zańbuzýshylyq úshin 474 million teńgege jýyq aiyppul tóleýge mindetteldi. Bul týraly óńirlik prokýratýra mátimledi, dep habarlaidy ult.kz.
Qadaǵalaý organynyń málimetinshe, Buzachi Operating Ltd filialy burǵylaý jumystary barysynda qaýipti qaldyqtardy jinaqtaý limitin aitarlyqtai asyryp jibergen. Tekserý nátijesinde burǵylaý qaldyqtarynyń kólemi belgilengen normadan 513,2 tonnaǵa artyq ekeni anyqtalǵan.
"Prokýratýra aktisi negizinde atalǵan kompaniia QR Ákimshilik quqyq buzýshylyq týraly kodeksiniń 328-babynyń 6-bóligi boiynsha ákimshilik jaýapkershilikke tartylyp, 474 million teńge kóleminde aiyppul salyndy", delingen habarlamada.
Eske sala keteiik, buǵan deiin Qazaqstanda iri arbitrajdyq jáne sot daýlarynyń bir bóligi jabyq rejimde qaralyp jatqany aitylǵan bolatyn. Solardyń qatarynda North Caspian Operating Company (NCOC) kompaniiasyna qatysty 2,3 trillion teńgelik ekologiialyq daý da bar.
Másele Qashaǵan ken orny aýmaǵynda kúkirt saqtaý limitteriniń artýyna bailanysty týyndaǵan. Tekserý derekterine sáikes, kompaniia shamamen 1,2 million tonna kúkirtti normadan tys saqtaǵan.
Birinshi satydaǵy sot memlekettiń ustanymyn qoldaǵanymen, keiin sheshim birneshe ret qaita qaralǵan. Qazirgi tańda is apelliatsiialyq tártipte qaralyp jatyr.
