ماڭعىستاۋ وبلىسىندا مۇناي كومپانيياسى ٸرٸ كٶلەمدەگٸ ەكولوگييالىق زاڭبۇزۋشىلىق ٷشٸن 474 ميلليون تەڭگەگە جۋىق ايىپپۇل تٶلەۋگە مٸندەتتەلدٸ. بۇل تۋرالى ٶڭٸرلٸك پروكۋراتۋرا مەتٸملەدٸ, دەپ حابارلايدى ult.kz.
قاداعالاۋ ورگانىنىڭ مەلٸمەتٸنشە, Buzachi Operating Ltd فيليالى بۇرعىلاۋ جۇمىستارى بارىسىندا قاۋٸپتٸ قالدىقتاردى جيناقتاۋ ليميتٸن ايتارلىقتاي اسىرىپ جٸبەرگەن. تەكسەرۋ نەتيجەسٸندە بۇرعىلاۋ قالدىقتارىنىڭ كٶلەمٸ بەلگٸلەنگەن نورمادان 513,2 تونناعا ارتىق ەكەنٸ انىقتالعان.
"پروكۋراتۋرا اكتٸسٸ نەگٸزٸندە اتالعان كومپانييا قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 328-بابىنىڭ 6-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلىپ, 474 ميلليون تەڭگە كٶلەمٸندە ايىپپۇل سالىندى", دەلٸنگەن حابارلامادا.
ەسكە سالا كەتەيٸك, بۇعان دەيٸن قازاقستاندا ٸرٸ اربيتراجدىق جەنە سوت داۋلارىنىڭ بٸر بٶلٸگٸ جابىق رەجيمدە قارالىپ جاتقانى ايتىلعان بولاتىن. سولاردىڭ قاتارىندا North Caspian Operating Company (NCOC) كومپانيياسىنا قاتىستى 2,3 تريلليون تەڭگەلٸك ەكولوگييالىق داۋ دا بار.
مەسەلە قاشاعان كەن ورنى اۋماعىندا كٷكٸرت ساقتاۋ ليميتتەرٸنٸڭ ارتۋىنا بايلانىستى تۋىنداعان. تەكسەرۋ دەرەكتەرٸنە سەيكەس, كومپانييا شامامەن 1,2 ميلليون توننا كٷكٸرتتٸ نورمادان تىس ساقتاعان.
بٸرٸنشٸ ساتىداعى سوت مەملەكەتتٸڭ ۇستانىمىن قولداعانىمەن, كەيٸن شەشٸم بٸرنەشە رەت قايتا قارالعان. قازٸرگٸ تاڭدا ٸس اپەللياتسييالىق تەرتٸپتە قارالىپ جاتىر.
