Foto: Pinterest
Men saiahattap júrgen kezde “erkindigińizge qyzyǵamyn” degen hat kóp alamyn. Bir kelinshektiń telefonyna joldasy onyń qaladaǵy qozǵalysyn baqylaý qosymshasyn bildirtpei ornatqan. Bir kelinshekke kúieýi áleýmettik jeli júrgizýge tyiym salǵan. Mysal óte kóp. Biraq otbasyly bolý — áiel adamnyń erkindigi shekteletin ýaqyt boldy degendi bildirmeidi.
Áiel adamnyń otbasyndaǵy erkindigi kelesi jaǵdailardan kórinedi.
Turmystaǵy áiel óz ómirine qatysty negizgi sheshimderdi ózi qabyldaýy kerek. Jumys isteý, oqý, turaqty damyp otyrý jáne qurbylarymen kórisý, tórkinine qatynap turý mańyzdy. Sheshimdi ózi qabyldap, tek eki ortadaǵy balany qaraý máselesine orai qalai, qashan iske asyratynyn ǵana joldasymen aqyldasýy mindetti. Bul jerde “ruqsat suraý” emes, ózara kelisim bolǵany jaqsy.
Áiel adamnyń otbasylyq sheshimderge aralasýy, estilýi, onyń qajettilikteri men qalaýynyń eskerilýi, óziniń jeke ýaqytynyń bolýy, tulǵa retinde qalyptasý úshin barlyq qajet áreketterdi otbasylyq ómirmen qatar qysymsyz, shekteýsiz iske asyrýy da erkin ómir súrip jatqandyǵynyń aiǵaǵy.
Al qorqynyshpen, qysymmen ómir súretin jerde, arman-maqsaty, qalaýlary otbasy tutastyǵy úshin qurban bolǵan úide áiel baqytsyz. Otanasy baqytsyz jerde tutas shańyraq baqytsyz deýge bolady.
Paiym
Ár adam erkin bolýy tiis. Biraq otbasy eń aldymen jaýapkershilik. Jaýapkershilik bola tura, otbasyǵa qatysty mindetter oryndala tura áieldiń jeke bolmysy, tańdaýy, armandary teń saqtalýy tiis.
Óitkeni baqytty otbasy — óz bolmysyn joǵaltpaǵan, óz arman-maqsattaryn iske asyryp júrgen eki adamnyń sanaly tańdaýy.
Dinara Bolat
.jpg)
