تابيعات اياسىنداعى سەرۋەننٸڭ پايداسى

فوتو: دينارا بولاتتىڭ جەكە مۇراعاتىنان

Ult.kz-تە جيھانكەز جۋرناليست دينارا بولاتتىڭ ٶزگە پايىمى.

ساياباقتا, تابيعات ورتاسىندا سەرۋەندەۋ ٶز الدىنا تەراپييا سانالاتىنىن بٸلەتٸن شىعارسىزدار. Shinrin-yoku ۇعىمى, ياعني “ورماندا شومىلۋ” دەگەن ماعىنانى بٸلدٸرەتٸن بۇل ۇعىم العاش 1980 جىلدارى جاپونييادا رەسمي تٷردە باستاۋ الىپ, كەيٸن ەلەمگە forest therapy اتاۋىمەن كەڭ تارالىپ كەتتٸ. گەرمانييا, شۆەيتسارييا, اۆسترييا, وڭتٷستٸك كورەيا مەن قىتاي ەلدەرٸندە ورمان تەراپيياسى رەسمي مەديتسينالىق ساۋىعۋ قۇرالىنا ەنگٸزٸلدٸ. بۇل تەراپييانىڭ ماقساتى اعاشتار اراسىمەن باياۋ سەرۋەندەۋ, بالعىن يٸستەردٸ سەزٸپ, جەندٸكتەر مەن قۇستاردىڭ داۋىسىن تىڭداپ, بوياۋلارعا سٷيسٸنٸپ, تابيعاتتى باقىلاۋ ارقىلى سەرۋەندەۋشٸنٸڭ بويىنداعى شارشاۋدى, مازاسىزدىقتى ازايتۋ.

قالا تۇرعىندارىندا ەسٸرەسە جازعى ساياباقتا سەرۋەندەۋ باسىم. كٷن ۇزارادى. كٷننٸڭ جارىعى كٶبەيٸپ, كٶبٸرەك سىرتتا جٷرۋگە مٷمكٸندٸك جاسايدى. وتباسىمەن, دوستارىمەن بٸرگە پيكنيك جاساۋ, اشىق اۋاداعى كەزدەسۋ, پيكنيكتەر سەبەپ بولىپ, ساياباق, ورمانداعى جاسىل تٷس سەرۋەندەۋشٸلەردٸڭ كٶڭٸل كٷيٸن كٶتەرەدٸ. جازعى كٷن سەۋلەسٸ D دەرۋمەنٸ يممۋنيتەتتٸ كٶتەرٸپ, قۋات سىيلاۋىمەن ەرەكشە.

سول سەكٸلدٸ كٷزگٸ ساياباقتا سەرۋەندەۋدٸڭ ٶزٸندٸك ەرەكشەلٸگٸ, پايداسى بار. كٷن ىستىق تا ەمەس, ەلٸ قاتتى سۋىق تا ەمەس. ىڭعايلى, جىلى كيٸنٸپ شىققان ادامعا كٷزگٸ جۇمساق كٷن سەۋلەسٸ, سالقىن, ەرٸ ساف تازا اۋا ميدى تىنىشتالدىرىپ, شابىت سىيلاي تٷسەدٸ. تٷرلٸ تٷسكە بويالعان جاپىراقتار, جەرگە قۇلاعان جاپىراقتار سىبدىرى كٷيزەلٸستٸ ازايتادى. جۇمساق, دىمقىل جەردٸڭ يٸسٸ ٶز الدىنا اروماتەراپيياداي عاجاپ ەسەر سىيلايدى.

سونىمەن بٸرگە كٷزگٸ باقتا سەرۋەندەۋشٸ كٶكتەم, جازدىڭ ٶتكەنٸن, جىلدىڭ سوڭى جاقىنداپ كەلە جاتقانىن سانالاپ, ٶزٸنە ەسەپ بەرٸپ, جىلدى ەدەمٸ اياقتاۋ ٷشٸن باعىتىن , مٸندەتتەرٸن رەتتەۋگە مٷمكٸندٸك الادى.

پايىم

دامىعان ەلدەر قالا تۇرعىندارىنىڭ تابيعات اياسىندا سەرۋەندەپ, اسىقپاي جٷرۋ, اينالاسىنداعى ٶزگەرٸستەردٸ باقىلاۋ توپىراقتىڭ يٸسٸن سەزٸنۋ, اعاش دٸڭٸن ۇستاپ كٶرٸپ, اعاشتى قۇشاقتاۋ سەكٸلدٸ بارلىق سەزٸم مٷشەلەرٸن قوسۋ ولارعا مەنتالدىق ساۋلىعىن جاقسارتىپ, يممۋنتيتەتٸن كٷشەيتۋدە نەگٸزگٸ سەبەپ دەپ بٸلەدٸ. ەلٸمٸزدٸڭ تابيعاتى زور. قالا, اۋىل اينالاسى نۋ ورمان, ٶزەن, ٸشٸ تولعان ەدەمٸ ساياباق. جۇمىس كٷندەرٸ سەل كٸدٸرٸپ, الدىن الا ۋاقىت جوسپارلاپ ساياباقتاردا سەرۋەندەۋگە, دەمالىس كٷندەرٸ قالا سىرتىنا شىعىپ شاعىن ساياحاتتار ۇيىمداستىرۋعا ەبدەن ىڭعايلى. تەك پايداسىن تٷسٸنٸپ, تۇراقتى جاقسى ەدەتٸمٸزگە اينالدىرۋ كەرەك.