2026 جىلعى 1 قاراشادان باستاپ تٷركييادا 15 جاسقا تولماعان بالالاردىڭ ەلەۋمەتتٸك جەلٸلەردٸ پايدالانۋىنا تىيىم سالىنادى. تيٸستٸ ەرەجە 10 قازاندا رەسپۋبليكانىڭ Resmî Gazete رەسمي گازەتٸندە جارييالاندى, دەپ جازادى ult.kz.
ەلەۋمەتتٸك جەلٸ پلاتفورمالارى پايدالانۋشىلاردى تٸركەۋ كەزٸندە ولاردىڭ جاسىن مەملەكەتتٸك e-Devlet پورتالى ارقىلى تەكسەرۋگە مٸندەتتەلەدٸ. بەلگٸلەنگەن جاسقا تولماعان بالالارعا اككاۋنت اشۋعا تىيىم سالىنادى.
15 جاستان اسقان جاسٶسپٸرٸمدەرگە دە بٸرقاتار شەكتەۋ ەنگٸزٸلەدٸ. ولاردىڭ اككاۋنتتارى جابىق بولۋى تيٸس, ال حابارلامالاردى تەك ٶزدەرٸنە جازىلعان پايدالانۋشىلاردان عانا الا الادى. سونىمەن قاتار جاسٶسپٸرٸمدەرگە تٸكەلەي ەفير جٷرگٸزۋگە, جەكەلەندٸرٸلگەن جارنامالار مەن باسقا اككاۋنتتاردىڭ ۇسىنىستارىن الۋعا, سونداي-اق تەلەفون كٸتاپشاسىنداعى جەنە ٶزگە دە سەرۆيستەردەگٸ كونتاكتٸلەردٸ سينحرونداۋعا تىيىم سالىنادى.
ەلەۋمەتتٸك جەلٸلەر اتا-انالار مەن قامقورشىلارعا بالالاردىڭ اككاۋنتتارىن باقىلاۋعا ارنالعان قۇرالداردى ۇسىنۋعا مٸندەتتٸ بولادى. ەرەسەكتەر بالالاردىڭ پروفيل باپتاۋلارىن باسقارا الادى, پلاتفورمالاردى پايدالانۋ ۋاقىتىنا شەكتەۋ قويادى جەنە اقىلى وپەراتسييالاردى راستاۋعا مٷمكٸندٸك الادى.
