2026 jylǵy 1 qarashadan bastap Túrkiiada 15 jasqa tolmaǵan balalardyń áleýmettik jelilerdi paidalanýyna tyiym salynady. Tiisti ereje 10 qazanda respýblikanyń Resmî Gazete resmi gazetinde jariialandy, dep jazady ult.kz.
Áleýmettik jeli platformalary paidalanýshylardy tirkeý kezinde olardyń jasyn memlekettik e-Devlet portaly arqyly tekserýge mindetteledi. Belgilengen jasqa tolmaǵan balalarǵa akkaýnt ashýǵa tyiym salynady.
15 jastan asqan jasóspirimderge de birqatar shekteý engiziledi. Olardyń akkaýnttary jabyq bolýy tiis, al habarlamalardy tek ózderine jazylǵan paidalanýshylardan ǵana ala alady. Sonymen qatar jasóspirimderge tikelei efir júrgizýge, jekelendirilgen jarnamalar men basqa akkaýnttardyń usynystaryn alýǵa, sondai-aq telefon kitapshasyndaǵy jáne ózge de servisterdegi kontaktilerdi sinhrondaýǵa tyiym salynady.
Áleýmettik jeliler ata-analar men qamqorshylarǵa balalardyń akkaýnttaryn baqylaýǵa arnalǵan quraldardy usynýǵa mindetti bolady. Eresekter balalardyń profil baptaýlaryn basqara alady, platformalardy paidalaný ýaqytyna shekteý qoiady jáne aqyly operatsiialardy rastaýǵa múmkindik alady.
