پولشادا سوڭعى بٸر اپتادا بٸلٸم بەرۋ مەكەمەلەرٸندە بٸرنەشە شابۋىل تٸركەلٸپ, ادامدار قازا تاۋىپ, جاراقات الدى. سوڭعى وقيعا ۆارشاۆا قالاسىندا بولعان, دەپ حابارلايدى ult.kz.
ۆارشاۆاداعى ەرەسەكتەرگە ارنالعان مەكتەپتە 21 جاستاعى ستۋدەنت قىز ٷش ەيەلگە شابۋىل جاساعان. سالدارىنان 17 جاستاعى ەكٸ قىز بەن 24 جاستاعى ەيەل زارداپ شەكتٸ. جارالانعانداردىڭ بٸرٸ اۋرۋحاناعا جەتكٸزٸلسە, قالعان ەكەۋٸنە مەديتسينالىق كٶمەك كٶرسەتٸلگەن. پوليتسييا كٷدٸكتٸنٸ ۇستادى. قازٸر ونىڭ مۇنداي ەرەكەتكە نە سەبەپتٸ بارعانى انىقتالىپ جاتىر.
بۇل پولشادا سوڭعى كٷندەرٸ بولعان العاشقى جاعداي ەمەس. 7 قازاندا وسترولەنكا قالاسىنداعى كەسٸپتٸك مەكتەپتە 19 جاستاعى وقۋشى ادامدارعا شابۋىل جاساعان. وقيعا سالدارىنان توعىز ادام جاراقات الدى. ولاردىڭ اراسىندا بەس وقۋشى مەن ەكٸ مۇعالٸم بار.
دەل سول كٷنٸ سەرپەتس قالاسىندا پوليتسييا تاعى بٸر ىقتيمال شابۋىلدىڭ الدىن العان. تەكسەرۋ بارىسىندا 17 جاستاعى جاسٶسپٸرٸمنەن ەكٸ پىشاق تابىلعان.
ال 8 قازاندا لەششيدۋل-نوۆينى ەلدٸ مەكەنٸندەگٸ مەكتەپتە جاسٶسپٸرٸم قىزمەتكەرلەرگە پىشاقپەن شابۋىل جاساعان. سونىڭ سالدارىنان بٸر ەيەل كٶز جۇمىپ, تاعى ەكٸ ادام جاراقات الدى.
Associated Press اگەنتتٸگٸنٸڭ مەلٸمەتٸنشە, 10 قازاندا پولشا پوليتسيياسى قاۋٸپسٸزدٸك شارالارىن كٷشەيتۋ اياسىندا 76 ادامدى ۇستاعانىن حابارلادى. سونداي-اق ەل بويىنشا 50 مىڭعا جۋىق مەكتەپ تەكسەرٸلگەن.
قۇقىق قورعاۋ ورگاندارى اتالعان وقيعالاردىڭ ٶزارا بايلانىستى ەكەنٸن راستايتىن دەلەلدەر تابىلماعانىن مەلٸمدەدٸ. قازٸر شابۋىلداردىڭ سەبەپتەرٸ مەن مەن-جايى انىقتالىپ جاتىر.
