Foto: QR TJM
Qazgidromet Qazaqstandaǵy sý tasqyny jaǵdaiy kúrt nasharlaýy múmkin ekenin eskertti, dep habarlaidy «Ult aqparat».
Sinoptikterdiń habarlaýynsha, "Rosgidromet" RMK boljamyna sáikes, Jaiyq ózeni aǵynynyń qalyptasý joǵarǵy aimaǵyndaǵy baqylaý derekterine súiene otyryp, kóktemgi sý tasqynynyń kútiletin kólemi 2023 jylǵa arnalǵan kópjyldyq ortasha mánder men kórsetkishterden 2-2,5 ese asyp túsedi.
Qazaqstan aýmaǵynda Jaiyq ózeni Jaiyq-Kóshim ólsheý stansasynda (Batys Qazaqstan oblysy) 7 sáýir men 12 sáýir aralyǵynda ashylady dep boljanyp otyr.
"Jaiyq-Kóshim ýchaskesinde kóktemgi sý tasqynynyń kólemi 11,0-den 15,0 tekshe kilometrge deiin bolady. Bul ótken jylǵy kórsetkishterden aitarlyqtai asyp túsip, rekordtyq kórsetkishterge jetedi", - dedi "Qazgidromet" RMK.
Aita keteiik, buǵan deiin Qostanaidaǵy sý tasqynyna qarsy jedel shtab turǵyndarǵa tótenshe jaǵdaiǵa daiyn bolý keregin aityp, eskertý jasaǵan edi. Vedomstvo ózendegi sý deńgeii kúrt kóterilgen jaǵdaida Kolesnyi riad aýdanyn (Pionerskaia, Krasnyi Kýznets, Tobolskaia, Iýnyi Boets, Dachnaia kósheleri) sý basyp qalýy múmkin ekenin málimdedi.
