Prezident Qasym-Jomart Toqaev «Taza Qazaqstan» aktsiiasy ekologiialyq tazalyq sharasynan shyǵyp, azamattardyń dúnietanymy men ómir saltyna yqpal etetin jalpyulttyq ideologiiaǵa ainalyp kele jatqanyn aitty. Bul týraly Memleket basshysy COP17 aiasyndaǵy Bioalýantúrlilik boiynsha kóshbasshylar sammitinde sóilegen sózinde málimdedi, dep habarlaidy ult.kz.
Prezidenttiń aitýynsha, jer kólemi boiynsha álemde toǵyzynshy orynda turǵan Qazaqstan biregei bioalýantúrliligimen erekshelenedi. Sondyqtan tabiǵi bailyqty saqtaý – el azamattarynyń ǵana emes, halyqaralyq qoǵamdastyqtyń aldyndaǵy da jaýapkershilik.
Toqaev tabiǵatty qorǵaý qaǵidattary Qazaqstannyń jańa Konstitýtsiiasynda kórinis tapqanyn atap ótti. Onyń sózinshe, el tarihynda alǵash ret joǵary ekologiialyq mádenietti qalyptastyrý memlekettiliktiń negizin quraityn qaǵidattardyń biri retinde Ata zańda bekitilgen.
«Endi azamattar tabiǵat pen onyń resýrstaryn kóziniń qarashyǵyndai saqtaýǵa mindetti. Budan bólek, azamattardyń ómiri men densaýlyǵy úshin qolaily qorshaǵan ortany qorǵaý memlekettiń mańyzdy maqsattarynyń biri retinde belgilendi», – dedi Prezident.
Memleket basshysy tabiǵi bailyqty saqtaý ekonomikalyq órleýmen qatar júrýi kerek ekenin de aitty.
Onyń pikirinshe, «Taza Qazaqstan» aktsiiasy osy qundylyqtardy dáripteýge baǵyttalǵan. Qozǵalystyń qoǵam ómirine yqpaly artyp, azamattardyń qorshaǵan ortaǵa degen kózqarasyn ózgertýi mańyzdy.
