پرەزيدەنت قاسىم-جومارت توقاەۆ «تازا قازاقستان» اكتسيياسى ەكولوگييالىق تازالىق شاراسىنان شىعىپ, ازاماتتاردىڭ دٷنيەتانىمى مەن ٶمٸر سالتىنا ىقپال ەتەتٸن جالپىۇلتتىق يدەولوگيياعا اينالىپ كەلە جاتقانىن ايتتى. بۇل تۋرالى مەملەكەت باسشىسى COP17 اياسىنداعى بيوالۋانتٷرلٸلٸك بويىنشا كٶشباسشىلار سامميتٸندە سٶيلەگەن سٶزٸندە مەلٸمدەدٸ, دەپ حابارلايدى ult.kz.
پرەزيدەنتتٸڭ ايتۋىنشا, جەر كٶلەمٸ بويىنشا ەلەمدە توعىزىنشى ورىندا تۇرعان قازاقستان بٸرەگەي بيوالۋانتٷرلٸلٸگٸمەن ەرەكشەلەنەدٸ. سوندىقتان تابيعي بايلىقتى ساقتاۋ – ەل ازاماتتارىنىڭ عانا ەمەس, حالىقارالىق قوعامداستىقتىڭ الدىنداعى دا جاۋاپكەرشٸلٸك.
توقاەۆ تابيعاتتى قورعاۋ قاعيداتتارى قازاقستاننىڭ جاڭا كونستيتۋتسيياسىندا كٶرٸنٸس تاپقانىن اتاپ ٶتتٸ. ونىڭ سٶزٸنشە, ەل تاريحىندا العاش رەت جوعارى ەكولوگييالىق مەدەنيەتتٸ قالىپتاستىرۋ مەملەكەتتٸلٸكتٸڭ نەگٸزٸن قۇرايتىن قاعيداتتاردىڭ بٸرٸ رەتٸندە اتا زاڭدا بەكٸتٸلگەن.
«ەندٸ ازاماتتار تابيعات پەن ونىڭ رەسۋرستارىن كٶزٸنٸڭ قاراشىعىنداي ساقتاۋعا مٸندەتتٸ. بۇدان بٶلەك, ازاماتتاردىڭ ٶمٸرٸ مەن دەنساۋلىعى ٷشٸن قولايلى قورشاعان ورتانى قورعاۋ مەملەكەتتٸڭ ماڭىزدى ماقساتتارىنىڭ بٸرٸ رەتٸندە بەلگٸلەندٸ», – دەدٸ پرەزيدەنت.
مەملەكەت باسشىسى تابيعي بايلىقتى ساقتاۋ ەكونوميكالىق ٶرلەۋمەن قاتار جٷرۋٸ كەرەك ەكەنٸن دە ايتتى.
ونىڭ پٸكٸرٸنشە, «تازا قازاقستان» اكتسيياسى وسى قۇندىلىقتاردى دەرٸپتەۋگە باعىتتالعان. قوزعالىستىڭ قوعام ٶمٸرٸنە ىقپالى ارتىپ, ازاماتتاردىڭ قورشاعان ورتاعا دەگەن كٶزقاراسىن ٶزگەرتۋٸ ماڭىزدى.
