فوتو: قر تجم
قازگيدرومەت قازاقستانداعى سۋ تاسقىنى جاعدايى كٷرت ناشارلاۋى مٷمكٸن ەكەنٸن ەسكەرتتٸ, دەپ حابارلايدى «ۇلت اقپارات».
سينوپتيكتەردٸڭ حابارلاۋىنشا, "روسگيدرومەت" رمك بولجامىنا سەيكەس, جايىق ٶزەنٸ اعىنىنىڭ قالىپتاسۋ جوعارعى ايماعىنداعى باقىلاۋ دەرەكتەرٸنە سٷيەنە وتىرىپ, كٶكتەمگٸ سۋ تاسقىنىنىڭ كٷتٸلەتٸن كٶلەمٸ 2023 جىلعا ارنالعان كٶپجىلدىق ورتاشا مەندەر مەن كٶرسەتكٸشتەردەن 2-2,5 ەسە اسىپ تٷسەدٸ.
قازاقستان اۋماعىندا جايىق ٶزەنٸ جايىق-كٶشٸم ٶلشەۋ ستانساسىندا (باتىس قازاقستان وبلىسى) 7 سەۋٸر مەن 12 سەۋٸر ارالىعىندا اشىلادى دەپ بولجانىپ وتىر.
"جايىق-كٶشٸم ۋچاسكەسٸندە كٶكتەمگٸ سۋ تاسقىنىنىڭ كٶلەمٸ 11,0-دەن 15,0 تەكشە كيلومەترگە دەيٸن بولادى. بۇل ٶتكەن جىلعى كٶرسەتكٸشتەردەن ايتارلىقتاي اسىپ تٷسٸپ, رەكوردتىق كٶرسەتكٸشتەرگە جەتەدٸ", - دەدٸ "قازگيدرومەت" رمك.
ايتا كەتەيٸك, بۇعان دەيٸن قوستانايداعى سۋ تاسقىنىنا قارسى جەدەل شتاب تۇرعىندارعا تٶتەنشە جاعدايعا دايىن بولۋ كەرەگٸن ايتىپ, ەسكەرتۋ جاساعان ەدٸ. ۆەدومستۆو ٶزەندەگٸ سۋ دەڭگەيٸ كٷرت كٶتەرٸلگەن جاعدايدا كولەسنىي رياد اۋدانىن (پيونەرسكايا, كراسنىي كۋزنەتس, توبولسكايا, يۋنىي بوەتس, داچنايا كٶشەلەرٸ) سۋ باسىپ قالۋى مٷمكٸن ەكەنٸن مەلٸمدەدٸ.
