استانادا Astana Media Week 2026 مەرەيتويلىق مەديا اپتالىعى اياسىندا «تۇمار» جەنە «ٷركەر» ۇلتتىق سىيلىقتارىنىڭ جەڭٸمپازدارىن ماراپاتتاۋ رەسٸمٸ ٶتتٸ. بيىل قوس سىيلىق العاش رەت Qazaqstan Media Awards ورتاق اتاۋىمەن تابىستالدى, دەپ حابارلايدى ult.kz.
سالتاناتتى ٸس-شاراعا ەلٸمٸزدٸڭ تٷكپٸر-تٷكپٸرٸنەن وتاندىق مەديا سالاسىنىڭ ٶكٸلدەرٸ, جۋرناليستەر, رەداكتورلار, تەلەجٷرگٸزۋشٸلەر مەن شىعارماشىلىق ۇجىمدار قاتىستى.
ماراپاتتاۋ رەسٸمٸندە قازاقستان رەسپۋبليكاسىنىڭ مەدەنيەت جەنە اقپارات مينيسترٸ ارمان قىرىقباەۆ سٶز سٶيلەدٸ. مينيستر جاڭا تەحنولوگييالار مەن جاساندى ينتەللەكت قانشالىقتى قارقىندى دامىسا دا, كەسٸبي جۋرناليستيكا مەن ٶز ٸسٸنە ادال ماماندار قاشاندا سۇرانىسقا يە بولاتىنىن اتاپ ٶتتٸ.
«مەملەكەت باسشىسى جۋرناليستيكا سالاسىنا ەردايىم ەرەكشە كٶڭٸل بٶلٸپ, ەلەۋمەتتٸك جەنە مورالدىق تۇرعىدان ٷنەمٸ قولداۋ كٶرسەتٸپ كەلەدٸ. بولاشاقتا دا مەملەكەتتٸڭ مەديا سالاسىنا قاتىستى ساياساتى ٶزگەرمەيدٸ دەپ ويلايمىن», – دەدٸ ارمان قىرىقباەۆ.
ٸس-شاراعا قازاقستان رەسپۋبليكاسى قۇرىلتايىنىڭ دەپۋتاتتارى سەرگەي پونومارەۆ, ٷنزيلا شاپاق, جاناربەك ەشٸمجان, قازاقستان حالىق كەڭەسٸنٸڭ مٷشەسٸ نۇرتٶرە جٷسٸپ, Q.AI باس ديرەكتورى دميتريي مۋن, ۇلتتىق كينونى قولداۋ مەملەكەتتٸك ورتالىعىنىڭ باسقارما تٶراعاسى قۇرمانبەك جۇماعالي, قازاقستان رەسپۋبليكاسىنىڭ پرەزيدەنتٸ جانىنداعى ورتالىق كوممۋنيكاتسييالار قىزمەتٸنٸڭ ديرەكتورى اسقار وماروۆ, سونداي-اق مەملەكەتتٸك ورگاندار مەن مەديا سالاسىنىڭ ٶزگە دە ٶكٸلدەرٸ قاتىستى.
بيىل بايقاۋدىڭ 12 نوميناتسيياسى بويىنشا 600-دەن استام ٶتٸنٸم تٷستٸ. سىيلىققا تەلەۆيزييا, باسپاسٶز, راديو جەنە ينتەرنەت جۋرناليستيكاسى سالاسىنداعى جۇمىستار قابىلداندى.
وسى جىلى زاماناۋي مەدياتەحنولوگييالار مەن جۋرناليستيكانىڭ جاڭا فورماتتارىن دامىتۋعا ايرىقشا نازار اۋدارىلدى. العاش رەت «جۋرناليستيكانىڭ بولاشاعى: جاساندى ينتەللەكت سالاسىنداعى ٷزدٸك جوبا» نوميناتسيياسى ەنگٸزٸلدٸ.
جەڭٸمپازداردى بەلگٸلٸ جۋرناليستەر, مەديا سالاسىنىڭ ٶكٸلدەرٸ مەن سالا ساراپشىلارىنان قۇرالعان تەۋەلسٸز قازىلار القاسى انىقتادى.
«تۇمار» جەنە «ٷركەر» ۇلتتىق سىيلىقتارى 2017 جىلى قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ باستاماسىمەن تاعايىندالعان. «تۇمار» سىيلىعى وتاندىق تەلەۆيزييانى قولداۋعا جەنە دامىتۋعا باعىتتالسا, «ٷركەر» باسپاسٶز, راديو جەنە ينتەرنەت جۋرناليستيكاسىنداعى جەتٸستٸكتەر ٷشٸن بەرٸلەدٸ.
2026 جىلعى «تۇمار» جەنە «ٷركەر» ۇلتتىق سىيلىقتارىنىڭ جەڭٸمپازدارى:
«تۇمار – 2026» ۇلتتىق تەلەۆيزييالىق سىيلىعى
ٷزدٸك تەلەجٷرگٸزۋشٸ – ۆەرونيكا ۆيشنەۆسكايا, «ەۋرازييا» بٸرٸنشٸ ارناسى;
ٷزدٸك دەرەكتٸ جوبا – 24KZ, «4739»;
ٷزدٸك تەلەۆيزييالىق ماتەريال – Qazaqstan, «قارقىندى قۇرىلىس»;
ٷزدٸك ەلەۋمەتتٸك جوبا – Jibek Joly, «پراۆدا ۆ دەتالياح»;
ٷزدٸك تەلەحيكايا – استانا TV, «اۋىل باپكەرٸ»;
ٷزدٸك اقپاراتتىق-تالدامالىق باعدارلاما – 7-ارنا, «نوۆوستي».
«ٷركەر – 2026» ۇلتتىق سىيلىعى
جىلدىڭ ٷزدٸك جۋرناليسٸ – جانار سەردالينا;
ٷزدٸك راديوجوبا – قازاق راديوسى, «ويتۇما» باعدارلاماسى;
جۋرناليستيكانىڭ بولاشاعى: جاساندى ينتەللەكت سالاسىنداعى ٷزدٸك جوبا – Altainews Media Centre, «AI-جان»;
ٷزدٸك مەدياجوبا – Tengrinews, Tengri TV;
جىلدىڭ ٷزدٸك ماتەريالى – ميرامگٷل راحاتقىزى, «اقتٶبە» گازەتٸ, «جاساندى ينتەللەكت: ادامزات جاڭا دەۋٸرگە اياق باستى»;
ٷزدٸك تالدامالىق ماتەريال – لاۋرا تۋسۋپبەكوۆا, «كازاحستانسكايا پراۆدا» گازەتٸ, «مويا دنك – ناشە بوگاتستۆو».
Qazaqstan Media Awards – 2026 ارنايى جٷلدەلەرٸ
قازاقستان رەسپۋبليكاسى پرەزيدەنتٸنٸڭ تەلەراديوكەشەنٸ – 30 جىل;
ينفورمبيۋرو – 30 جىل.
