Shyǵys Qazaqstan oblysynyń Samarskoe aýylynda áielge pyshaqpen shabýyl jasaldy. Jábirlenýshi bul áreketke óziniń burynǵy kúieýin aiyptap otyr, dep habarlaidy ult.kz, bairaq_media-ǵa silteme qaldyryp.
Áieldiń aitýynsha, oqiǵa jumys ýaqytyndaǵy úzilis kezinde bolǵan. Er adam oǵan pyshaqpen shabýyl jasap, saldarynan jábirlenýshi aýyr jaraqat alyp, qulaǵynyń bir bóliginen aiyrylǵan.
Onyń sózinshe, burynǵy jubaiy buǵan deiin de birneshe ret qoqan-loqy kórsetken. Ómirine qaýip tóngendikten, ol birneshe márte politsiiaǵa júginip, áleýmettik jeli arqyly da kómek suraǵan. Beineúndeýlerinde ózi men kámeletke tolmaǵan alty balasynyń qaýipsizdigine alańdaitynyn aitqan.
Shabýyldan keiin áiel quqyq qorǵaý organdary tarapynan der kezinde qorǵanys bolmaǵanyn málimdep, munyń qaiǵyly jaǵdaiǵa ákele jazdaǵanyn jetkizdi.
Shyǵys Qazaqstan oblysy politsiia departamentiniń málimetinshe, atalǵan derek boiynsha sotqa deiingi tergeý bastaldy. Kúdikti ustalyp, qamaýǵa alynǵan. Tergeý barysy oblystyq politsiia departamenti basshylyǵynyń baqylaýyna alynǵan.
